விதிகளை மீறி செயல்பட்ட டாஸ்மாக் ஊழியர்கள் மீது வழக்கு பதிவு செய்ய பரிந்துரை

தமிழ்நாடு மாநில வாணிபக் கழக காஞ்சிபுரம் மாவட்டம் சார்பாக ரயில்வே சாலையில் 4053 எண் கொண்ட மால் ஷாப் இயங்கி வருகிறது.

இக்கடையில் மேற்பார்வையாளராக சங்கர் என்பவரும் விற்பனையாளராக மோகனசுந்தரம் , சக்திவேல் மற்றும் அருள் ஆகியோர் பணிபுரிந்து வந்தனர். இக்கடையில் நிர்வாக விதிகளுக்குப் புறம்பாக வெளியாட்கள் பணிபுரிந்து வருவதாக காஞ்சிபுரம் டாஸ்மாக் மாவட்ட மேலாளர் தொடர்ந்து புகார்கள் சென்றன..

இதன் அடிப்படையில் ஆய்வு மேற்கொண்டு பலமுறை எச்சரித்தும் நிர்வாகத்திற்கு புறம்பாக வெளி நபர்களை வேலைக்கு வைத்து விதிமீறலில் ஈடுபட்டதாக மேற்கண்ட நான்கு நபர் மீது குற்ற வழக்குப் பதிவு செய்து நடவடிக்கை எடுக்கக்கோரி மாவட்ட மேலாளர் சிவன் விஷ்ணு , காஞ்சி மாவட்ட காவல் ஆய்வாளருக்கு பரிந்துரை கடிதம் அனுப்பியுள்ளார்..ஏற்கெனவே தமிழகம் முழுவதும் டாஸ்மார்க் ஊழியர்கள் மீது கூடுதல் விலைக்கு மது விற்பதாக புகார்கள் எழுந்து வந்த நிலையில் அரசு நியமித்த நபர்கள் தினக்கூலிக்கு வெளியாட்களை வேலையாட்களை வைத்துள்ளது அம்பலமாகியுள்ளது.