ஒரு ரூபாய் சிக்கன் பிரியாணி-ஆர்வத்துடன் வாங்கிய பெண்கள்
திண்டுக்கலில் உலக பெண்கள் தினத்தை முன்னிட்டு தனியார் ஹோட்டல் ஒன்று பொதுமக்களுக்கு ஒரு ரூபாய்க்கு சிக்கன் பிரியாணி வழங்கியது.
இன்று சர்வதேச பெண்கள் தினம் கொண்டாடப்படுகிறது. இதனால் பெண்களை கௌரவிக்கும் வகையில் கல்லூரிகள் மற்றும் தனியார் நிறுவனங்களில் பல்வேறு நிகழ்ச்சிகள் நடத்தப்பட்டு வருகிறது. இதன் ஒரு பகுதியாக திண்டுக்கல் கரூர் சாலையில் உள்ள தனியார் ஹோட்டல் பெண்கள் தினத்தை கொண்டாடும் வகையில் பொதுமக்களுக்கு ஒரு ரூபாய்க்கு சிக்கன் பிரியாணி வழங்கியது.
சிக்கன் பிரியாணியை வாங்க நீண்ட வரிசையில் காத்திருந்த சிறு மற்றும் நடுத்தர வயது பெண்கள் என தாங்கள் கொண்டு வந்த ஒரு ரூபாயை கொடுத்து சிக்கன் பிரியாணியை வாங்கி சென்றனர். இதுகுறித்து கடை உரிமையாளர் கூறும் போது, நாங்கள் ஆறு மாதத்திற்கு முன்பு இந்த ஹோட்டலை திறந்தோம். உழைக்கும் பெண்களை கௌரவிக்கும் வகையில் இந்த நிகழ்ச்சிக்கு ஏற்பாடு செய்தோம். இதற்கு பொதுமக்கள் மத்தியில் நல்ல வரவேற்பு கிடைத்துள்ளது நல்ல வரவேற்பு கிடைத்துள்ளது என தெரிவித்தார்.
