சாலையை சரிசெய்ய நடவடிக்கை எடுக்க வலியுறுத்தும் மக்கள்..!

வெண்ணந்துார் ஒன்றியம், ஓ.சவுதாபுரம் கிராமம் மற்றும் தொட்டியபட்டி பகுதிகளை இணைக்கும் சாலை மிகவும் சேதமடைந்துள்ளது. சாலையின் ஆங்காங்கே பள்ளங்கள் உருவாகி, ஜல்லி கற்கள் பெயர்ந்து உள்ளன.

ஓ.சவுதாபுரம், தொட்டியபட்டி சுற்றுவட்டார கிராமங்களை சேர்ந்தவர்கள் இச்சாலை வழியாக தினசரி பயணிக்கும் போது பல சிரமங்களை சந்திக்கின்றனர். குறிப்பாக, ஜல்லி கற்களில் இருசக்கர வாகனங்கள் சிக்கி நிலை தடுமாறுகின்றன. இதனால், சிறுசிறு விபத்துகள் அடிக்கடி ஏற்படுகின்றன.

விவசாய பொருட்களை ஏற்றி செல்லும் லாரிகள் மற்றும் பள்ளி வாகனங்கள் சாலையின் நிலைமையை முன்னிட்டு வளைந்து வளைந்து பயணிக்கின்றன. வாகன ஓட்டிகள் தினமும் சிரமப்படுவதால், சாலையை விரைவாக சீரமைக்க வேண்டுமென மக்கள் வலியுறுத்துகின்றனர்.