தொழிலாளி வீட்டில் 6 பவுன் நகை திருட்டு..!

பள்ளிபாளையம், ஜன.23:

பள்ளிபாளையம் அடுத்துள்ள ஓடப்பள்ளியை சேர்ந்தவர் கண்ணன் (38). இவர் இங்குள்ள பொன்னி சர்க்கரை ஆலையில் தொழிலாளியாக வேலை செய்து வருகிறார். நேற்று காலை வீட்டை பூட்டி விட்டு மனைவி குழந்தைகளுடன் குலதெய்வ கோயிலுக்கு சென்றார்.

திருட்டு நடந்த நேரம்

பிற்பகல் 3 மணியளவில், கண்ணன் வீடு திரும்பினார். அப்போது வீட்டின் கதவு பூட்டு உடைக்கப்பட்டு திறந்திருந்தது.தங்க நகைகள் 6 பவுன் திருடப்பட்டது.

புகார் அளிப்பு

இதை கண்டு அதிர்ச்சியடைந்த அவர் உள்ளே சென்று பார்க்கையில், பீரோவின் லாக்கரை உடைத்து 6 பவுன் தங்க நகைகளை மர்ம நபர்கள் திருடிச்சென்றது தெரியவந்தது. இது குறித்து பள்ளிபாளையம் போலீசில் கண்ணன் புகார் அளித்தார்.

போலீசார் விசாரணை

இதன் பேரில் வழக்கு பதிவு செய்த போலீசார் நகையை திருடிச்சென்ற நபரை தேடி வருகின்றனர்.