அத்தாணி அருகே மாட்டு சந்தைக்கு சென்ற வியாபாரி மாயம்: மனைவி புகார்

ஈரோடு மாவட்டம், அத்தாணி அருகே உள்ள குப்பாண்டம்பாளையம் பகுதியை சேர்ந்தவர் கருப்புசாமி (54). மாடு வியாபாரம் செய்து வருகிறார். ஒரு வாரத்திற்கு முன்பு புஞ்சை புளியம்பட்டி மாட்டு சந்தைக்கு சென்று வருவதாக கூறி சென்றுள்ளார். இதுவரை வீடு திரும்பவில்லை.

தனது கணவர் வீடு திரும்பாததால் கருப்புசாமியின் மனைவி ஈஸ்வரி, ஆப்பக்கூடல் போலீசில் புகார் செய்தார். எஸ்.ஐ.கோவிந்தராஜ் வழக்கு பதிவு செய்து விசாரிக்கிறார்.