அத்தாணி கைகாட்டி பிரிவில் சட்டவிரோதமாக மது விற்பனை: ஒருவர் கைது‌

ஈரோடு மாவட்டம், ஆப்பக்கூடல் காவல் நிலையத்திற்கு உட்பட்ட அத்தாணி கைகாட்டி பிரிவில் தமிழக அரசின் மது பாட்டில்களை அனுமதியின்றி அதிக விலைக்கு விற்பனை செய்வதாக ஆப்பக்கூடல் போலீசாருக்கு ரகசிய தகவல் கிடைத்தது.

உடனடியாக ஆப்பக்கூடல் சப்-இன்ஸ்பெக்டர் கோவிந்தராஜ் அந்த பகுதிக்கு விரைந்து சென்று பார்த்தபோது பாலமுருகன் என்பவர் 15 பிராந்தி பாட்டில்களை விற்பனைக்கு வைத்திருந்தது தெரியவந்தது.

இதனையடுத்து போலீசார் வழக்கு பதிவு செய்து பாலமுருகனை கைது செய்து, 15 மது பாட்டில்களை பறிமுதல் செய்தனர்.