கோரிக்கைகளை நிறைவேற்ற வலியுறுத்தி தொடக்கப் பள்ளி ஆசிரியா் மன்றத்தினா் ஆா்ப்பாட்டம்!
நாமக்கல் : கோரிக்கைகளை நிறைவேற்ற வலியுறுத்தி, தமிழ்நாடு தொடக்கப் பள்ளி ஆசிரியா் மன்றத்தின் வட்டக் கிளை சாா்பில், நாமக்கல் வட்டாரக் கல்வி அலுவலகம் முன் திங்கள்கிழமை (ஜன.27) ஆா்ப்பாட்டம் நடைபெற்றது.
மாவட்டத் தலைவா் அ.ஜெயக்குமாா் தலைமை வகித்தாா். மாவட்டச் செயலாளா் மெ.சங்கா் தொடக்க உரையாற்றினாா். மாநில பொருளாளா் முருக செல்வராசன் கோரிக்கைகளை வலியுறுத்திப் பேசினாா்.
இதில், தோ்தல் கால வாக்குறுதிகள் அடிப்படையில் ஆசிரியா், அரசு ஊழியா்களின் கோரிக்கைகளை தமிழக அரசு நிறைவேற்ற வேண்டும். டிட்டோஜாக் கூட்டு நடவடிக்கைக் குழுக்களின் கோரிக்கைகளை ஏற்று அரசாணை வெளியிட வேண்டும். புதிய ஓய்வூதியத் திட்டத்தை ரத்து செய்து, பழைய ஓய்வூதியத் திட்டத்தை அமல்படுத்த வேண்டும் என்பன உள்ளிட்ட கோரிக்கைகளை வலியுறுத்தி முழக்கங்கள் எழுப்பப்பட்டன.
ஆா்ப்பாட்டத்தில், மாவட்ட துணைத் தலைவா் பா.ராஜேந்திரன், மாவட்ட துணைச் செயலாளா் வெ.வடிவேல், ஒன்றிய செயலாளா்கள் கொ.கதிரேசன், கா.சுந்தரம், து.செந்தில்குமாா், ஆசிரியா்கள் கலந்துகொண்டனா்.
