வழிப்பறி வழக்கில் தலைமறைவாக இருந்த வாலிபர் கைது : போலீசார் அதிரடி..!

திருச்செங்கோடு, ஜன28:
திருச்செங்கோடு நகரில் கடந்த 2018ம் வருடத்தில் பெண்ணிடம் வழிப்பறியில் ஈடுபட்ட வழக்கில், ஈரோடு வீரப்பம்பாளையம் மாரியம்மன் கோயில் தெருவை சேர்ந்த ஜெய்சங்கர்(28) என்பவர் மீது போலீசார் வழக்குபதிவு செய்து விசாரணை நடந்தி வந்தனர். இவர் கடந்த சில மாதங்களாக, வழக்கில் ஆஜராகாமல் தலைமறைவாக இருந்து வந்தார். இதையடுத்து, இவர் மீது நீதிமன்றம் பிடிவாரண்ட் பிறப்பித்தது.

இதையடுத்து திருச்செங்கோடு நகர் போலீசார், ஈரோட்டில் பதுங்கி இருந்த ஜெய்சங்கரை நேற்று கைது செய்து, திருச்செங்கோடு நீதிமன்றித்தில் ஆஜர்படுத்தினர். நீதிபதி சுரேஷ்பாபு அவரை சிறையில் அடைக்க உத்தரவிட்டார். இதையடுத்து, போலீசார் அவரை சேலம் மத்திய சிறையில் அடைத்தனர்.