பெருந்துறை அரசு பாலிடெக்னிக் முதலாமாண்டு மாணவர் சேர்க்கை: விண்ணப்பிக்க அழைப்பு

இதுகுறித்து வெளியிட்டுள்ள செய்திக்குறிப்பில் கூறியிருப்பதாவது:

ஈரோடு மாவட்டம் பெருந்துறை, அரசு பலவகை தொழில் நுட்பக் கல்லூரியில், 2023- 2024 ஆம் கல்வியாண்டிற்கு முதலாமாண்டு (First Year Diploma Admission) முழுநேர பட்டயப் படிப்பில் சேர மாணவர்களிடமிருந்து விண்ணப்பங்கள் இணையதளம் (Online) வாயிலாக விண்ணப்பிக்க வரவேற்கப்படுகின்றன. இணையதளத்தில் 20.05.2023 முதல் 09.06.2023 வரை விண்ணப்பிக்கலாம்.

இக்கல்லூரியில், அமைப்பியல், இயந்திரவியல், மின்னியல், மின்னணுவியல் மற்றும் தொடர்பியல் மற்றும் கணினி பொறியியல் ஆகிய ஐந்து முழுநேரப் பாடப்பிரிவுகளில் ஒவ்வொரு துறைகளிலும் 50 மாணவர்கள் வீதம் சேர்க்கப்பட உள்ளனர். இணையதளம் விண்ணப்பம் வாயிலாக பதிவு செய்யும் பொதுப்பிரிவினர் (BC MBC / OBC / DNC / OC) ரூ.150/- பதிவுக் கட்டணமாக Credit card/ Debit Card / Net Banking மூலம் செலுத்த வேண்டும். பழங்குடி/பட்டியல் (SC/ST) பிரிவினருக்கு விண்ணப்ப பதிவுக் கட்டணம் இல்லை. முதலாமாண்டு டிப்ளமோ சேர விரும்பும் மாணவர்கள் பத்தாம் வகுப்பு (SSLC / Matriculation) தேர்ச்சி அல்லது அதற்கு இணையான கல்வியில் தேர்ச்சி பெற்றிருக்க வேண்டும். இவ்வாறு அதில் கூறப்பட்டுள்ளது.