ஈரோடு மாவட்டம், பண்ணாரி மாரியம்மன் கோவில் உண்டியல் காணிக்கை ரூ. 78. 80 லட்சம் வசூல்

ஈரோடு : ஈரோடு மாவட்டம், சத்தியமங்கலம் அருகே வனப் பகுதியில் பண்ணாரி மாரியம்மன் கோயில் அமைந்துள்ளது. இந்து சமய அறநிலையத் துறை கட்டுப்பாட்டிலுள்ள இக்கோயிலின் ஜனவரி மாத உண்டியல் காணிக்கை எண்ணும் பணி இன்று நடைபெற்றது.

கோயில் அதிகாரிகள் முன்னிலையில் உண்டியல் திறப்பு

பண்ணாரி கோயில் துணை ஆணையர் /செயல்அலுவலர் இரா. மேனகா, பவானி சங்கமேஸ்வரர் திருக்கோயில், உதவி ஆணையர்/செயல் அலுவலர், அருள்குமார், சத்தி, இந்து சமய அறநிலையத்துறை, ஆய்வாளர் சங்கர கோமதி, பரம்பரை அறங்காவலர்கள் புருஷோத்தமன், இராஜாமணி தங்கவேல், அமுதா, பூங்கொடி, கண்காணிப்பாளர் யோகலட்சுமி, ஆகியோர் முன்னிலையில் உண்டியல்கள் திறக்கப்பட்டு காணிக்கை எண்ணும் பணி நடைபெற்றது.

கோயில் பணியாளர்கள் மற்றும் தன்னார்வலர்கள் பங்கேற்பு

கோயில் பணியாளர்கள் மற்றும் தன்னார்வலர்கள் காணிக்கை எண்ணும் பணியில் ஈடுபடுத்தப்பட்டனர்.இதில், ரூ. 78 லட்சத்து 80 ஆயிரத்து 743 ரொக்கம், 181 கிராம் தங்கம், 761 கிராம் வெள்ளி பொருள்கள் இருந்ததாக கோயில் நிர்வாகத்தினர் தெரிவித்துள்ளனர்.