'மெடிக்கல் காலேஜ் கொண்டுவந்துள்ளேன் ' தாமரை ராஜேந்திரன் பிரசாரம்

340கோடியில் மருத்துவகல்லூரி கொண்டுவந்துள்ளேன். அதிமுகவிற்கு வாக்களியுங்கள், அரசு கொறடா தாமரை ராஜேந்திரன் கிராமங்களில் பிரச்சாரம்

அரியலூர் சட்டமன்ற தொகுதியில் அதிமுக வேட்பாளராக அரசு கொறடா தாமரை ராஜேந்திரன் போட்டியிடுகின்றார். இவர் கடந்த எட்டு நாட்களாக தீவிரப் பிரசாரத்தில் ஈடுபட்டுள்ளார். இந்நிலையில் ஆதிச்சனூர்உள்ளிட்ட 35 கிராமங்களில் தீவிரமாகப் பிரசாரம் செய்தார். ஆதிச்சனூர், நாச்சியார்பேட்டை, மனக்கதி, வெண்மான்கொண்டான், வடகடல், சுந்தரேசபுரம், கொலையனூர், உல்லியக்குடி, அண்ணாநகர், நத்தவெளி, நரியங்குழி, கோரைக்குழி, சாலை, அணிக்குறிச்சி, சுத்தமல்லி. ஆலம்பள்ளம், புளியங்குழி, காசான்கோட்டை, பாளையக்கரை, கார்குடி, பூவந்திகொல்லை, பாண்டி பஜார், சவேரியார்பட்டி, காரைக்காட்டான்குறிச்சி, வாசனேரி, அழிச்சிகுடி, வாத்திக்குடிகாடு, பருக்கல், நடுவலூர், சமத்துவபுரம், காக்காப்பாளையம் உள்ளிட்ட கிராமங்களில் தீவிர பிரச்சாரம் மேற்கொண்டார். செல்லும் இடங்களில் திரளான பெண்கள் ஆரத்தி எடுத்து தாமரை ராஜேந்திரனை வரவேற்றனர்.

மக்களிடையே பேசிய அதிமுக வேட்பாளர் தாமரை ராஜேந்திரன், 'கடந்த ஐந்து ஆண்டுகளில் உங்கள் கிராமங்களின் தேவைகள் 80சதவீதம் நிறைவேற்றியுள்ளேன். அரியலூரில் 340கோடியில் மருத்துவக்கல்லூரி கொண்டு வந்துள்ளேன். இனி உயர் சிகிச்சைகளுக்கு வெளியூர் செல்லாமல் அரியலூரிலேயே இலவசமாக மருத்துவம் கிடைக்கும். தமிழக முதல்வர் அரசுபள்ளி மாணவர்களுக்கு கொண்டுவந்து இடஒதுக்கீட்டால் உங்களது பிள்ளைகள் இந்த மருத்துவகல்லூரியில் மருத்துவராக, செவிலியராக கல்வி பயின்று இங்கேயே வேலை வாய்ப்பு பெறலாம். மேலும் 20சதவீதம் உங்களின் தேவைகளை நிறைவேற்றுவதன் மூலம் அரியலூர் மாவட்டம் முழு வளர்ச்சி பெற்ற சட்டமன்ற தொகுதியாக, முன்மாதிரி தொகுதியாக மாற்றமுடியும். எனவே எணக்கு அதற்கு ஒரு வாய்ப்பு தாருங்கள். உங்கள் தேவைகள் அனைத்தையும் நிறைவேற்றும் உங்களில் ஒருவாக நான் பணியாற்றவேன்' என்றுகூறி பிரசாரம் மேற்கொண்டார். பிரசாரத்தின் போது அதிமுக, பாமக, பாஜக கட்சிகளின் பொறுப்பாளர்கள் உடனிருந்தனர்.