மாவட்ட சட்டப்பணிகள் ஆணையத்தில் பணி வாய்ப்பு: ஆணையம் தகவல்

புதுக்கோட்டை மாவட்ட சட்டப் பணிகள் ஆணையத்தின் கீழ் இயங்க உள்ள Legal Aid Defense Counsel System அலுவலகத்தில் இதன் பின்வரும் விவரப்படிக்கு பணியிடங்கள் உருவாக்கப்பட்டு நேர்காணல் மூலம் தகுதியான நபர்கள் தேர்வு செய்யப்பட்டு, அப்பணியிடங்கள் நிரப்பப்படவுள்ளது.

Chief Legal Aid Defense Counsel -1 . Deputy Legal Aid Defense Counsel-2 . Assistant Legal Aid Defense Counsel-2 . என  புதிதாக உருவாக்கப்படவுள்ள  இந்த பதவிகளுக்காக Legal Aid Defense Counsel System -ல் உள்ள 5 பணியிடங்களுக்கு தகுதி வாய்ந்த நபர்களிடமிருந்து விண்ணப்பங்கள் வரவேற்கப்படுகின்றன.

இதுகுறித்த முழு தகவல்கள்-- https://districts.ecourts.gov.in/pudukkottai என்ற இணையதளத்தில் "LatestAnnouncement” என்ற தலைப்பில் விவரமாக குறிப்பிடப்பட்டுள்ளது. விருப்பமுள்ள தகுதிவாய்ந்த நபர்கள் மேற்படி இணையதள விண்ணப்பத்தை பதிவிறக்கம் செய்து, அதனை முறையாக பூர்த்தி செய்து வரும் 12.06.2023-ம் தேதி மாலை 5. மணிக்குள் தலைவர் / முதன்மை மாவட்ட நீதிபதி, மாவட்ட சட்டப் பணிகள் ஆணையம், புதுக்கோட்டை என்ற முகவரிக்கு அனுப்பி வைக்குமாறு இதன் மூலம் விண்ணப்பம் கோரப்படுகிறது. இறுதி நாளுக்கு பிறகு பெறப்படும் விண்ணப்பங்கள் ஏற்றுக் கொள்ளப்பட மாட்டாது தெரிவித்துக் கொள்ளப்படுகிறது.

தகுதியான விண்ணப்பங்களின் அடிப்படையில் சம்மந்தப்பட்ட விண்ணப்பதாரர்கள் வரும் 15.06.2023 தேதி 10. மணிக்கு புதுக்கோட்டை மாவட்ட ஒருங்கிணைந்த நீதிமன்ற வளாகத்திற்குள் இருக்கும் சமரச தீவு மையம் அலுவலகத்தில் (ADR Building) நேர்முகத்தேர்வின் மூலம் தேர்வு செய்யப்படவுள்ளனர் என்று இதன் மூலம் அறிவிக்கப்படுவதாக  புதுக்கோட்டை  மாவட்ட சட்டப்பணிகள் ஆணைய  தலைவர்/ தெரிவித்துள்ளார்.