முன்னாள் அமைச்சர் விஜயபாஸ்கர் வீடுகளில் சோதனை: தங்கம், ரொக்கம் ஆவணங்கள் பறிமுதல்

தமிழக முன்னாள் சுகாதாரத்துறை அமைச்சர் விஜயபாஸ்கர் வீடு உட்பட நாற்பத்தி மூன்று இடங்களில் நடைபெற்ற சோதனையில் 5 கிலோ தங்கம் 3 கிலோ வெள்ளி ரூ 23 லட்சத்தி 82 ஆயிரம் ரொக்கம் மற்றும் பல கோடி ரூபாய் மதிப்பிலான சொத்து ஆவணங்கள் கைப்பற்றப்பட்டுள்ளன.

முன்னாள் சுகாதாரத்துறை அமைச்சர் விஜயபாஸ்கர் வீடு குவாரி மற்றும் அவரது உறவினர்கள் நண்பர்கள் உதவியாளர்கள் என 43 இடங்களில் லஞ்ச ஒழிப்புத்துறை போலீசார் இன்று காலை முதல் அதிரடி சோதனை நடத்தி வருகின்றனர். இந்த சோதனையில் உறவினர்கள் உதவியாளர்கள் மற்றும் நண்பர்கள் என பலரது வீடுகளில் சோதனை நிறைவு பெற்றுள்ளது.

இந்நிலையில், முன்னாள் சுகாதாரத்துறை அமைச்சர் விஜயபாஸ்கர் வீடு உறவினர்கள் உதவியாளர்கள் நண்பர்கள் என மொத்தம் 43 இடங்களில் நடைபெற்ற சோதனையில் 5 கிலோ தங்கம் 3.5 கிலோ வெள்ளி ரூ 23 லட்சத்தி 82 ஆயிரம் ரொக்கம் மற்றும் பல கோடி ரூபாய் மதிப்பிலான சொத்து ஆவணங்கள் கைப்பற்றப்பட்டுள்ளதாக லஞ்ச ஒழிப்புத்துறை போலீசார் தெரிவித்துள்ளனர்.