நாமக்கல்லில் பிரபல செல்போன் கடையில் ரூ.58 ஆயிரம் திருட்டு

நாமக்கல், சேலம் மெயின் ரோட்டில், பிரபல செல்போன் நிறுவனத்தின் கடை இயங்கி வருகிறது. நேற்று இரவு வழக்கமாக விற்பனையை முடித்துவிட்டு கடையை ஊழியர்கள் பூட்டிவிட்டு சென்றுவிட்டனர். இன்று காலை கடையை திறக்க வந்த ஊழியர்கள், கடையின் பூட்டு மற்றும் ஷட்டர் உடைக்கப்பட்டிருந்ததைக் கண்டு அதிர்ச்சி அடைந்தனர்.

உடனடியாக நாமக்கல் போலீசாருக்கு தகவல் தெரிவித்தனர். கடையின் உள்ளே சென்று பார்த்தபோது, மேஜையை உடைத்து அதில் இருந்த ரூ.58 ஆயிரம் ரொக்கப்பணம் கொள்ளை போனது தெரியவந்தது. கொள்ளையர்கள் செல்போன்கள் எதையும் திருடிச்செல்லவில்லை. சம்பவ இடத்திற்கு வந்த நாமக்கல் போலீசார், இது குறித்து வழக்கு பதிவு செய்து, சிசிடிவி கேமரா பதிவுகளைக் கொண்டு கொண்டு தீவிர விசாரணை நடத்தி வருகின்றனர்.