நாமக்கல் மண்டலத்தில் முட்டை விலை 5 பைசா உயர்வு

நாமக்கல் மண்டலத்தில் முட்டை விலை 5 பைசா உயர்ந்து ஒரு முட்டையின் விலை ரூ. 4.65 ஆக நிர்ணயம் செய்யப்பட்டுள்ளது.

நாமக்கல் மண்டல தேசிய முட்டை ஒருங்கிணைப்புக்குழு (என்இசிசி) கூட்டம் அதன் தலைவர் டாக்டர் செல்வராஜ் தலைமையில் நடைபெற்றது. கூட்டத்தில் ஏற்கனவே ரூ.4.60 ஆக இருந்த முட்டையின் விலை 5 பைசா உயர்த்தப்பட்டு, ஒரு முட்டையின் பண்ணைக்கொள்முதல் விலை ரூ. 4.65 ஆக நிர்ணயம் செய்யப்பட்டது. முக்கிய நகரங்களில் ஒரு முட்டையின் விலை (பைசாவில்) : சென்னை 490, பெங்களூர் 465, ஹைதராபாத் 443, மும்பை 509, மைசூர் 465, விஜயவாடா 469, ஹொஸ்பேட் 425, கொல்கத்தா 530.

கோழி விலை: பிராய்லர் கோழி உயிருடன் ஒரு கிலோ ரூ.92 ஆக பிசிசி அறிவித்துள்ளது. முட்டைக்கோழி விலை ஒரு கிலோ ரூ.80 ஆக பண்ணையாளர்கள் சங்கம் நிர்ணயித்துள்ளது.