எலச்சிபாளையம்: ஆரோக்கியத்திற்கு வழிவகுக்கும் மூலிகைச் செடிகள் விநியோகம்..!

எலச்சிபாளையம், வட்டார வேளாண்மை விரிவாக்க மையத்தில், மண்ணுயிர் காத்து மன்னுயிர் காப்போம் திட்டத்தின் கீழ் இயற்கை பூச்சிமருந்து தயாரிக்க அனைத்து கிராம விவசாயிகளுக்கும் ஆடாதொடை, நொச்சி செடிகள் கட்டணமின்றி விநியோகம் செய்யப்படுகின்றன.

பயிர்களை பூச்சிநோய்த் தாக்குதலில் இருந்து காத்தல்

பயிர்களை பூச்சிநோய்த் தாக்குதலில் இருந்து காக்கவும், சுற்றுச்சூழலுக்கு தீங்கு விளைவிக்காத வகையில் இயற்கை பூச்சி விரட்டிகளை தயாரித்து பயிர்களை பராமரிக்கும் நோக்கில், மண்ணுயிர் காத்து மன்னுயிர் காப்போம் திட்டத்தின் கீழ் மூலிகைச் செடிகள் வழங்கப்படுகின்றன.

மூலிகைச் செடிகளை வளர்த்து இயற்கை பூச்சிவிரட்டி தயாரித்தல்

இந்த மூலிகைச் செடிகளை விவசாயிகள் தங்கள் வயல்வரப்புகளில் வளர்த்து, அதன் இலைகளை பூச்சிவிரட்டி மருந்து தயாரித்து பயிர்கள் மீது தெளிப்பதால் பயிர்களை தாக்கும் பூச்சிகள் கட்டுப்படுத்தப்படும் மகசூலும் அதிகரிக்கும்.

ஆடாதொடை மூலிகையின் மருத்துவ குணங்கள்

ஆடாதொடை இலைகள், வேர்கள், தண்டுகள் மிகுந்த மருத்துவ குணம் வாய்ந்தவை.

இந்த மூலிகைச் செடிகள் அனைத்தும் எலச்சிபாளையம் ஒருங்கிணைந்த வேளாண்மை விரிவாக்க மையத்தில் இருப்புள்ளது. தேவைப்படும் விவசாயிகள் தங்களின் ஆதார் அட்டை நகல், சிட்டா நகல் கொடுத்து பெற்றுக் கொள்ளலாம் என வேளாண் அலுவலர்கள் தெரிவித்துள்ளனர்.