சோழவந்தான் பள்ளிவாசலில் ஐம்பெரும் விழா

சோழவந்தான் அருகே கீழ நாச்சிகுளம் ஜும். ஆ. பள்ளிவாசல் சார்பாக, மதரசா இரண்டாம் ஆண்டு விழா மிலாதுநபி விழா அத்தின்களுக்கு 20 ஆண்டு பணியாற்றியவர்களுக்கு விருது வழங்கும் விழா, மதரசா அடிக்கல் நாட்டு விழா, மக்தப் மதரஸா மூன்றாம் ஆண்டு துவக்க விழா ஆகிய ஐம்பெரும் விழா ஹாஜி யூசுப்சாகிப் வளாகத்தில் நடந்தது.

இவ் விழாவிற்கு, தலைவர் அப்பாஸ் தலைமை தாங்கினார் .யூசுப் நாட்டாமை, நாகூர் பிச்சை, செயலாளர் நாகூர் அனிபா, ஜபருல்லாஹ்கான், இப்ராஹிம்அலி ஆகியோர் முன்னிலை வகித்தனர் .

கோம்பை இனாயத்துலாக் 20 ஆண்டுகளாக தேர்வு செய்ததற்கு, பரிசுகள் வழங்கப்பட்டது.  ஆல் ஜமீல் மகதூமீ நடுவராக இருந்து பட்டிமன்றம் நடத்தினார். சலீம்சேட் நன்றி கூறினார்.

சிறுவர் ,சிறுமியரின் மனப்பாட போட்டி பட்டிமன்ற போட்டி உள்ளிட்டவை நடைபெற்றது. இதில், திரளான முஸ்லிம்கள் கலந்து கொண்டு சிறப்பு செய்தனர்.

விழாவையொட்டி, பள்ளிவாசல் முழுவதும் வண்ண விளக்குகளால் அலங்கரிக்கப்பட்டிருந்தது. மாணவ-மாணவிகளின் மனப்பாட போட்டி நடைபெற்றது. முடிவில், வெற்றி பெற்ற மாணவ மாணவிகளுக்கு பரிசுகள் வழங்கப்பட்டது.