நகைச்சுவை நடிகர் வடிவேலுவின் தாயாருக்கு முன்னாள் மத்திய அமைச்சர் அஞ்சலி

நகைச்சுவை நடிகர் வடிவேலு அவர்களின் தாயார் மறைவிற்கு முக அழகிரி நேரில் அஞ்சலி:

திரைப்பட நகைச்சுவை நடிகர் வடிவேலு அவர்களின் தாயார் சரோஜினி (87.).  உடல் நலக்குறைவால் மரணமடைந்தார்.மதுரை விரகனூர் பகுதியில்  நடிகர் வடிவேலுவின்  தாயார் சரோஜினி வசித்து வந்தார். இவருக்கு வயது மூப்பு காரணமாக உடல்நல குறைவு ஏற்பட்டது. இதனைத் தொடர்ந்து, மதுரை அப்போலோ மருத்துவமனையில் நேற்று வரை சிகிச்சை பெற்று வந்தார் .நேற்று இரவு திடீரென உடல் நலக்குறைவு காரணமாக சரோஜினி காலமானார்.

இந்த நிலையில், பல்வேறு திரை பிரபலங்கள் வடிவேலு தாயார் இறப்பிற்கு இரங்கல்களை தெரிவித்து வருகின்றனர். குறிப்பாக ,தமிழக முதல்வர் மு க ஸ்டாலின் தன்னுடைய இரங்கல் செய்தியை தெரிவித்துள்ளார். இந்த நிலையில், திமுகவின் முன்னாள் மத்திய அமைச்சர் மு.க அழகிரி வடிவேலுவின் தாயார் மறைவிற்கு நேரில் வந்து மாலை அணிவித்து அஞ்சலி செலுத்தி வடிவேலு மற்றும் அவரது குடும்பத்தினருக்கு ஆறுதல் தெரிவித்தார்.