ஈரோடு கிழக்கு தொகுதி இடைத்தேர்தல் : 1. 44 லட்சம் வாக்காளர்களுக்கு பூத் சிலிப் விநியோகம்

ஈரோடு : ஈரோடு கிழக்கு தொகுதி இடைத்தேர்தல் வரும் 5-ந் தேதி நடைபெறுகிறது. இதற்காக 53 இடங்களில் 237 வாக்குச்சாவடி மையங்கள் அமைக்கப்பட்டு வருகின்றன.

100 சதவீதம் வாக்குப் பதிவு

தேர்தலில் 100 சதவீதம் வாக்குப் பதிவை வலியுறுத்தி மாவட்ட நிர்வாகம் பல்வேறு நடவடிக்கைகள் எடுத்து வருகிறது.

வாக்காளர்களின் எண்ணிக்கை

ஈரோடு கிழக்கு தொகுதியில் மொத்தம் 2 லட்சத்து 27 ஆயிரத்து 546 வாக்காளர்கள் உள்ளனர்.இவர்களுக்கு வீடு வீடாகச் சென்று பூத் சிலிப் வழங்கும் பணி கடந்த 26-ம் தேதி தொடங்கி நடந்து வருகிறது. நூற்றுக்கும் மேற்பட்ட ஊழியர்கள் இந்தப் பணியில் ஈடுபட்டு வருகின்றனர்.

நாளுக்கு நாள் பூத் சிலிப் விநியோகம்

26 ஆம் தேதி - 40,429 வாக்காளர்கள்

27-ம் தேதி - 34, 859 வாக்காளர்கள்

28 ஆம் தேதி - 32,079  வாக்காளர்கள்

நேற்று - 37, 146 வாக்காளர்கள்

மொத்தம் இதுவரை 1 லட்சத்து 44 ஆயிரத்து 513 வாக்காளர்களுக்கு பூத் சிலிப் விநியோகம் செய்யப்பட்டுள்ளது.மீதமுள்ள 83 ஆயிரத்து 33 வாக்காளர்களுக்கு இன்றும், நாளையும் பூத் சிலிப் வழங்கி முடிக்க திட்டமிடப்பட்டுள்ளது.