தேசிய குத்துச்சண்டை போட்டி : பதக்கம் வென்றவர்களுக்கு போலீஸ் இன்ஸ்பெக்டர் பாராட்டு

செங்கல்பட்டு மாவட்டம், பல்லாவரத்தை சேர்ந்த டி.எஸ்.பி. குத்துச்சண்டை பயிற்சி மையத்தில் பயிற்சி பெற்று வந்த மாணவர்கள் திருப்பூரில் நடந்த தேசிய அளவிலான குத்துசண்டை போட்டியில் பங்கேற்றனர்.

இதில் கேரளா, ஆந்திரா, கோவா, அஸ்ஸாம் உள்ளிட்ட நாடு முழுவதும் இருந்து பல்வேறு மாநிலத்தை சேர்ந்த சுமார் 500க்கும் மேற்பட்ட மாணவ, மாணவியர்கள் கலந்து கொண்டனர். இதில் பல்லாவரத்தை சேர்ந்த 21 மாணவர்கள் பங்கேற்றனர்.

இதில் தேசிய அளவிலான போட்டியில்  14 மாணவர்கள் கலந்து கொண்டு வெற்றி பெற்று தங்க பதக்கத்தை பெற்றனர். பிப்ரவரி மாதம் வெற்றி பெற்ற 14 பேரும் இண்டர்நேசனல் குத்துசண்டை போட்டியில் பங்கேற்பதற்காக தாய்லாந்து செல்ல உள்ளனர்.

இந்தநிலையில் வெற்றி பெற்ற மாணவர்களுக்கான பாராட்டு விழா பல்லாவரத்தில் உள்ள குத்துச்சண்டை பயிற்சி மையத்தில் நடந்தது. இதில் பல்லாவரம் காவல் ஆய்வாளர் வெங்கடேஷ் மற்றும் மனிதநேய பண்பாளர் டாக்டர் ஐ.எம். ஹனிப் ஆகியோர் கலந்து கொண்டு வெற்றி பெற்ற மாணவர்களுக்கு சான்றிதழ்கள் மற்றும் பதக்கங்களை வழங்கி பாராட்டினார். இதற்கான ஏற்பாடுகளை டி.எஸ்.பி. குத்துச்சண்டை பயிற்சி மையத்தின் நிறுவனர் டி.எஸ்.பார்த்தசாரதி செய்திருந்தார்.