சத்தியமங்கலத்தில் மாந்தநேயன் படத் திறப்பு, நினைவேந்தல் நிகழ்ச்சி

Erode News, Erode News Today- சத்தியமங்கலத்தில் புரட்சிகர இளைஞர் முன்னணி சார்பில் மாந்தநேயன் படத் திறப்பு, நினைவேந்தல் நிகழ்ச்சி நேற்று (1ம் தேதி) நடைபெற்றது.

ஈரோடு மாவட்டம் சத்தியமங்கலத்தில் புரட்சிகர இளைஞர் முன்னணியின் மறைந்த மூத்த நிர்வாகி மாந்தநேயனின் படத் திறப்பு, மற்றும் நினைவேந்தல் நிகழ்ச்சி தமிழ்ராசு தலைமையில் நடைபெற்றது. கோவை வள்ளுவராசன் மாந்தநேயன் படத்தை திறந்து வைத்து மலர்கள் தூவி வணக்கம் செலுத்தினார்.

தொடர்ந்து மாந்தநேயனுக்கு புரட்சிகர இளைஞர் முன்னணியை சேர்ந்த தமிழ் நம்பி, இளங்கோ, நல்ல தம்பி, காங்கிரஸ் வடக்கு மாவட்ட துணை தலைவர் ஆணைக் கொம்பு ஸ்ரீ ராம், இந்திய கம்யூனிஸ்ட் கட்சி ஸ்டாலின் சிவகுமார், திராவிடர் விடுதலை கழகம் ராம இளங்கோவன், ஆதி தமிழர் பேரவை பொன்னுசாமி, திராவிடர் கழகம் சென்னியப்பன், விடுதலை சிறுத்தைகள் கட்சி, தம்பி ராஜன், மற்றும் பல்வேறு முற்போக்கு இயக்க நிர்வாகிகள் கலந்து கொண்டு நினைவேந்தல் உரையாற்றினர்.

இந்நிகழ்ச்சியில் 300க்கும் மேற்பட்டோர் கலந்து கொண்டனர். முன்னதாக புரட்சிகர இளைஞர் முன்னணி பால சுப்பிரமணி வரவேற்புரையாற்றினார்.இறுதியில் செல்வி நன்றி கூறினார்.