பவானி: அம்மாபேட்டை அருகே தோட்டத்துக்குள் புகுந்து யானை அட்டகாசம்

பவானி அடுத்த அம்மாபேட்டை அருகே தோட்டத்துக்குள் புகுந்த யானை வாழைகளை சேதப்படுத்தியது.

ஈரோடு மாவட்டம் பவானி அடுத்த அம்மாபேட்டை அருகே மேற்கு தொடர்ச்சி மலையின் ஒரு பகுதி சென்னம்பட்டி வனச்சரகமாக உள்ளது. இந்த வனப்பகுதியையொட்டி, சென்னம்பட்டி, ஜரத்தல், முரளி, பாப்பாத்திக்காட்டு புதூர் உள்ளிட்ட ஊர்கள் அமைந்துள்ளன.

இங்கு விவசாயிகள் நெல், வாழை உள்ளிட்ட விளைபொருட்களை பயிர் செய்து வருகின்றனர். இந்த நிலையில், நேற்று முன்தினம் இரவு சென்னம்பட்டி ஜரத்தல் அருகே மன்னாதன்குட்டை லைன்மேடு பகுதியில் உள்ள பச்சமுத்து என்பவரது தோட்டத்துக்குள் புகுந்த காட்டு யானை, வாழைகளை சேதப்படுத்தியது.

உடனே இதுகுறித்து அறிந்த விவசாயிகள் அனைவரும் அங்கு வந்து தீப்பந்தம் கொளுத்தியும், பட்டாசுகள் வெடித்தும் யானையை காட்டுக்குள் விரட்டும் முயற்சியில் ஈடுபட்டனர். சுமார் 1 மணி நேரத்துக்கு பிறகு வனப்பகுதிக்குள் சென்றது. இந்த காட்டு யானையால் 50க்கும் மேற்பட்ட வாழைகள் சேதமாகின.