நாமக்கல் வேளாண் அறிவியல் நிலையத்தில் 14ம் தேதி வெண்பன்றி வளர்ப்பு பயிற்சி

இது குறித்து வேளாண் அறிவியல் நிலைய (கேவிகே) தலைவர் அழகுதுரை வெளியிட்டுள்ள அறிக்கையில் கூறியுள்ளதாவது:

நாமக்கல் வேளாண் அறிவியல் நிலையத்தில், வரும் 14ம் தேதி காலை 10 மணிக்கு, வெண்பன்றி வளர்ப்பு என்ற தலைப்பில், ஒரு நாள் இலவச பயிற்சி முகாம் நடைபெறுகிறது. இப்பயிற்சியில், வெண்பன்றி வளர்ப்பின் முக்கியத்துவம், இனங்கள், அவற்றை தேர்வு செய்யும் முறைகள், கொட்டகை அமைக்கும் முறை, சரிவிகித தீவனம் அளித்தல், கலப்பு தீவனம் தயாரிக்கும் முறைகள், இனப்பெருக்கம் மற்றும் நோய் தடுப்பு மேலாண் குறித்து விளக்கம் அளிக்கப்படும். விவசாயிகள், பண்ணையாளர்கள், ஊரக மகளிர், இளைஞர்கள் மற்றும் ஆர்வம் உள்ளவர்கள் கலந்து கொள்ளலாம். விருப்பம் உள்ளவர்கள், வேளாண் அறிவியல் நிலையத்தை நேரிலோ அல்லது 04286 266345, 266650 என்ற தொலைபேசி எண்ணிலோ தொடர்பு கொண்டு, தங்களது பெயரை முன்பதிவு செய்து கலந்துகொள்ளலாம் என்று அதில் கூறப்பட்டுள்ளது.