வீரபாண்டிய கட்ட பொம்மன், வேலு நாச்சியார் பிறந்த தின கொண்டாட்டம்

வீரபாண்டிய கட்ட பொம்மன், வேலு நாச்சியார் பிறந்த தின கொண்டாட்டம்

குமாரபாளையத்தில் வீரபாண்டிய கட்ட பொம்மன், வேலு நாச்சியார் பிறந்த தினம் கொண்டாடப்பட்டது.

குமாரபாளையம் விடியல் ஆரம்பம் சார்பில் வீரபாண்டிய கட்ட பொம்மன், வேலு நாச்சியார் பிறந்த தினம் அமைப்பாளர் பிரகாஷ் தலைமையில் கொண்டாடப்பட்டது.

குமாரபாளையம் அருகே வீரப்பம்பாளையம் ஊராட்சி ஒன்றிய பள்ளியில் நடந்த இவ்விழாவில், இருவரது திருவுருவப்படங்களுக்கு மலர்மாலை அணிவித்து, மலரஞ்சலி செலுத்தப்பட்டது. பள்ளி மாணவிகள் இருவர் போல் வேடமிட்டு நாடகம் நடித்து சுதந்திர போராட்டம் குறித்து விழிப்புணர்வு ஏற்படுத்தினர். மேலும் கட்டுரை, பேச்சு, ஓவியம், விநாடி வினா உள்ளிட்ட போட்டிகள் வைக்கப்பட்டு, வெற்றி பெற்றவர்களுக்கு பரிசாக புத்தங்கங்களை பள்ளி தலைமையாசிரியர் அருள்முருகன், முன்னாள் ஊராட்சி மன்ற தலைவர் செல்லமுத்து வழங்கி வாழ்த்தினர். இதில் பஞ்சாலை சண்முகம், ஆசிரியர்கள் சுமதி, பிரபு, நந்தகுமார், முருகன், ராணி, நிர்வாகிகள் தீனா, அங்கப்பன் உள்பட பலர் பங்கேற்றனர்.

வேலை வாய்ப்பு முகாம்

குமாரபாளையத்தில் விடியல் ஆரம்பம் சேவை சங்கம் சார்பில் வேலை வாய்ப்பு முகாம் நடந்தது.

குமாரபாளையத்தில் விடியல் ஆரம்பம் சேவை சங்கம் சார்பில் வேலை வாய்ப்பு முகாம் நடந்தது. தி.மு.க. முன்னாள் நகர துணை செயலர் ரேவதி, அரசு உதவி பெறும் சி.எஸ்.ஐ. நடுநிலைப்பள்ளி தலைமையாசிரியை சுகந்தி, சமூக சேவகி சித்ரா, இல்லம் தேடி கல்வி ஜமுனா, சித்ரா ஆகியோர் குத்துவிளக்கேற்றி முகாமை துவக்கி வைத்தனர்.

இதில் 60-க்கும் மேற்பட்ட தனியார் வேலை வாய்ப்பு நிறுவனங்கள் தங்கள் நிறுவனங்களுக்கு தேவைப்படும் ஆட்களை தேர்வு செய்ய நேர்முகத் தேர்வை நடத்தினர் 400-க்கும் மேற்பட்ட இளைஞர்கள் பங்கேற்றனர். தேர்வு செய்யப்பட்ட 154 பயனாளிகளுக்கு பணி ஆணைகளை விடியல் ஆரம்பம் நிறுவனர் பிரகாஷ், தொழிலதிபர் கோபாலகிருஷ்ணன், பஞ்சாலை சண்முகம், ரெயின்போ கணேஷ்குமார், தீனா ஆகியோர் வழங்கினார்கள்.