மதுரை மீனாட்சியம்மன் கோயில் அருகே கடையில் தீ விபத்து: பல லட்சம் சேதம்

மீனாட்சி அம்மன் கோவில் அருகே பேக் குடேனில் தீவிபத்து- பல லட்சம் ரூபாய் மதிப்பிலான பொருள்கள் தீயில் கருகி சேதமடைந்தன.

மதுரை மீனாட்சி அம்மன் மேலக் கோபுரம் அருகே உள்ள மேற்கு ஆவனி மூல வீதியில் மாடியில், அசல் சிங் என்பவருக்கு சொந்தமான பேக் கிடங்கு செயல்பட்டு வருகிறது.  இந்தநிலையில், வழக்கம் போல் நேற்று இரவு  கிடங்கைப் பூட்டி விட்டு சென்ற நிலையில், திடீரென தீ விபத்து ஏற்பட்டது. இதனைத் தொடர்ந்து தகவல் அறிந்து விரைந்து வந்த மீனாட்சி அம்மன் கோவில் மற்றும் பெரியார்பேருந்து நிலைய  தீயணைப்பு நிலைய வீரர்கள் தீயிணை ஒரு மணி நேரத்திற்கு மேலாக 4 தீயணைப்பு வாகனங்கள் உதவியுடன் நீண்ட நேரம் போராடி தீயை கட்டுப்படுத்தினர். தொடர்ந்து விபத்தில், பல லட்சம் ரூபாய் மதிப்பிலான பொருள்கள் தீயில் கருகி சேதமடைந்தன. மேலும் ,விபத்து குறித்து திலகர்திடல் போலீசார் விசாரணை நடத்திவருகின்றனர்.