சத்தியமங்கலம்: கடம்பூரில் போதை தடுப்பு விழிப்புணர்வு கைப்பந்து போட்டி

ஈரோடு மாவட்டம் சத்தியமங்கலம் அருகே உள்ள கடம்பூரில் போதை தடுப்பு விழிப்புணர்வு கைப்பந்து போட்டி நடைபெற்றது. 

ஈரோடு மாவட்டம் கடம்பூரில் பரண் டிரைபல் சொசைட்டி, பழங்குடி ஊராளி மக்கள் சங்கம் இணைந்து போதை தடுப்பு விழிப்புணர்வு கைப்பந்து போட்டி தொன்போஸ்கோ மைதானத்தில் கடந்த ஜன.24, 25ம் தேதிகளில் நடத்தியது.

மொத்தம் 24 அணிகள் கலந்து கொண்டு விளையாடினர். முதல் பரிசு ரூ.7,001 ரூபாயை கோட்டமாளம் அணியினருக்கு சென்னை இயேசு சபையினர் வழங்கினர். கோப்பையை பசுவனாபுரம் அம்பேத்கர் மற்றும் சேகுவேரா கிரிக்கெட் கிளப் வழங்கினர்.

இரண்டாம் பரிசு ரூ.5,001 குன்றி அணியினருக்கு, லாரா மற்றும் ஜெர்ரி கன்ஸ்ட்ரக்சன் நிறுவனத்தினர் வழங்கினர். கோப்பையை இருட்டி பாளையம் சரவணன் வழங்கினார். மூன்றாம் பரிசு ரூ.3,001 ரூபாயை சத்தியமங்கலம் போலீஸ் அணியினருக்கு பழங்குடி ஊராளி மக்கள் சங்கத்தினர் வழங்கினர். கோப்பையை கடம்பூர் ஸ்ரீ பாலாஜி எலக்ட்ரிகல்ஸ் மற்றும் ஹார்டுவேர்ஸ் வழங்கினர்.

நான்காம்பரிசு ரூ.1,001 ரூபாயை தொன்போஸ்கோ விடுதி அணியினருக்கு, பழங்குடி ஊராளி கிண்டி செம்பு, மயில் தோகை மகளிர் சுய உதவி குழுவினர் வழங்கினர். கோப்பையை இந்தியன் ஸ்டோர்ஸ் நிறுவனத்தினர் வழங்கினர்.

தொடர்ந்து, மும்மதத்தினர் கலந்து கொண்ட சமத்துவ பொங்கல் விழா நடத்தினர். நிகழ்ச்சிக்கான ஏற்பாடுகளை பரண் டிரைபல் சொசைட்டி இயக்குனர்கள் உதயா, கென்னடி மற்றும் பழங்குடி ஊராளி மக்கள் சங்க நிர்வாகிகள் செய்திருந்தனர்.