512 கி வெங்காயத்தை விற்க 70 கி.மீ பயணம்.. விவசாயிக்கு கிடைத்த அதிர்ச்சி
ரூ.2 க்கான காசோலையுடன் விவசாயி.
மகாராஷ்டிர மாநிலம், சோலாப்பூர் மாவட்டத்தில் உள்ள பார்ஷி தாலுகாவின் போர்கான் கிராமத்தைச் சேர்ந்த 58 வயதான வெங்காய விவசாயி ராஜேந்திர துக்காராம் சவான். இவர் சமீபத்தில் தான் அறுவடை செய்த 512 கிலோ வெங்காயத்தை ஏலம் செய்வதற்காக சோலாப்பூர் ஏபிஎம்சிக்கு 70 கிலோமீட்டர் பயணம் செய்து எடுத்துச் சென்றுள்ளார். ஆனால் வெங்காயத்தை கிலோ ரூ.1 க்கு மட்டுமே விற்க முடிந்தது.
இந்த நிலையில், அனைத்து பிடித்தங்களுக்குப் பிறகு, ராஜேந்திர துக்காராம் சவானின் நிகர லாபம் அரிதாகவே ரூ. 2.49 தான் கிடைத்துள்ளது. மேலும் அவர் ரூ.2க்கான பிந்தைய தேதியிட்ட காசோலையாகப் அவர் பெற்றுள்ளார், இதனை அவர் 15 நாட்களுக்குப் பிறகுதான் பணமாக்க முடியும்.
விவசாயி ராஜேந்திர துக்காராம் சவான் கூறுகையில், எனக்கு வெங்காயத்திற்கு ஒரு கிலோவுக்கு 1 ரூபாய் தான் கிடைத்தது. போக்குவரத்துக் கட்டணம், தலை ஏற்றுதல் மற்றும் எடை போடுதல் ஆகியவற்றுக்கான மொத்தத் தொகையான 512 ரூபாயில் இருந்து ஏபிஎம்சி வர்த்தகர் மேலும் 509.50 ரூபாயை கழித்துக் கொண்டார் என்று மனமுடைந்து தான் சம்பாதித்ததைச் சுட்டிக்காட்டினார்.
கடந்த 3-4 ஆண்டுகளில் விதைகள், உரங்கள் மற்றும் பூச்சிக்கொல்லிகளின் விலை இரண்டு மடங்காக உயர்ந்துள்ளது. இந்த முறை சுமார் 500 கிலோ வெங்காயத்தை விளைவிக்க கிட்டத்தட்ட 40,000 ரூபாய் செலவிட்டேன். ஆனால் 512 கிலோ வெங்காயத்தை விற்க 70 கிலோமீட்டர் பயணம் செய்து 2 ரூபாய்க்கான காசோலை மட்டுமே கிடைத்தது என அவர் தெரிவித்துள்ளார்.
தற்போது விவசாயிக்கு கொடுக்கப்பட்ட காசோலையின் புகைப்படத்துடன் இணையத்தில் வைரலாகி விவசாயிகளிடை அதிர்ச்சியை ஏற்படுத்தி வருகிறது.
சவானிடம் வெங்காயத்தை வாங்கிய சோலாப்பூர் ஏபிஎம்சியின் வர்த்தகர் நசீர் கலீபா, நாங்கள் ரசீதுகள் மற்றும் காசோலைகளை வழங்கும் செயல்முறையை கணினிமயமாக்கியுள்ளோம். அதன் விளைவாக, சவானின் காசோலை பிந்தைய தேதியிட்டது. காசோலையில் உள்ள தொகையைப் பொருட்படுத்தாமல் இது ஒரு பொதுவான நடைமுறையாகும். இது போன்ற சிறிய தொகைகளின் காசோலைகளை நாங்கள் முன்பே வழங்கியுள்ளோம்.
ஏலத்திற்கு கொண்டு வரப்பட்ட வெங்காயம் தரம் குறைந்ததாக இருந்ததாகவும், இந்த விவசாயி ஏற்கெனவே கொண்டு வந்த வெங்காயத்திற்க கிலோ 18 ரூபாய்க்கு விற்கப்பட்டதாகவும் , இதனைத்தொடர்ந்துதான் இந்த வெங்காயத்தை கொண்டுவந்தார். இருப்பினும் இந்த வெங்காயத்தின் விலை கிலோ 14 ரூபாய்க்கு விற்பனை செய்யப்பட்டது என தெரிவித்தார்.
நிபுணர்களின் கூற்றுப்படி, விவசாயிகளுக்கு 25% க்கும் அதிகமான உயர்தர விளைபொருட்கள் கிடைக்கவில்லை. விளைபொருட்களில் சுமார் 30% நடுத்தர தரம் மற்றும் மீதமுள்ளவை குறைந்த தரம்.
மஹாராஷ்டிரா மற்றும் பிற வெங்காயம் உற்பத்தி செய்யும் மாநிலங்களில் மகத்தான வெங்காயம் விளைச்சல் மொத்த விற்பனை விலை வீழ்ச்சியை ஏற்படுத்தியுள்ளது.
மாநிலம் முழுவதும், சவான் போன்ற விவசாயிகள் தங்கள் உற்பத்திச் செலவைக் கூட மீட்பதில் ஆர்வத்துடன் உள்ளனர். நாட்டின் மிகப்பெரிய வெங்காய மண்டியான நாசிக்கின் லாசல்கான் ஏபிஎம்சியில் மொத்த வெங்காய விலை கடந்த இரண்டு மாதங்களில் கிட்டத்தட்ட 70% குறைந்துள்ளது.
இருப்பினும், விவசாயிகளுக்கு விளைபொருட்களை நடைமுறையில் உள்ள விலையில் விற்பதைத் தவிர வேறு வழியில்லை. அதன் பிறகு, விளைச்சல் அழுகத் தொடங்குகிறது. அனைத்து விவசாயிகளும் தங்களது பயிர்களை சந்தைக்கு கொண்டு செல்வதால் தற்போது தேக்கம் ஏற்பட்டுள்ளது.
லாசல்கான் சந்தைக்கு டிசம்பரில் ஒரு நாளைக்கு 15,000 குவிண்டால் வரத்து இருந்த வெங்காயத்தின் அளவு, தற்போது இரண்டு மடங்கு அதிகரித்து 30,000 குவிண்டால்களாக உயர்ந்துள்ளது. லாசல்கானில் சராசரி மொத்த வெங்காய விலை டிசம்பர் 26ம் தேதி குவிண்டால் ஒன்றுக்கு ரூ.1,850ல் இருந்த நிலையில், நேற்று குவிண்டாலுக்கு ரூ.550 ஆகக் குறைந்துள்ளது.
