மறைந்த முதல்வர் ஜெயலலிதாவின் பிறந்த நாள்: முன்னாள் அமைச்சர் காமராஜ் அன்னதானம்
மறைந்த முன்னாள் முதல்வர் ஜெயலலிதாவின் 74வது பிறந்த நாளையொட்டி திருவாரூரில் முதியோர் இல்லத்தில் அன்னதானம் வழங்கப்பட்டது
மறைந்த முன்னாள் முதல்வர் ஜெயலலிதாவின் 74 வது பிறந்த நாள் விழா கொண்டாட்டங்கள் தமிழகம் முழுவதும் நடைபெற்றது. அதன் ஒரு பகுதியாக திருவாரூர் அருகே அம்மையப்பன் செயல்பட்டுவரும் முதியோர் இல்லத்தில் மறைந்த முன்னாள் முதல்வர் ஜெயலலிதா பிறந்த நாள் விழா நடைபெற்றது. இதில் கலந்து கொண்ட மாவட்ட கழக செயலாளரும் முன்னாள் உணவுத்துறை அமைச்சருமான காமராஜ் முதியோர்களுக்கு புத்தாடைகள், இனிப்பு வழங்கி அவர்களிடம் ஆசி பெற்றார்.அதனைத் தொடர்ந்து அவர்களுக்கு அறுசுவை உணவு பரிமாறி அவர்களுடன் சேர்ந்து உணவருந்தி பிறந்த நாளை கொண்டாடினார்.
நிகழ்ச்சியில் மாவட்ட பொருளாளர் ஏ .என். ஆர். பன்னீர்செல்வம் ,கொரடாச்சேரி ஒன்றிய கழக செயலாளர்கள் டி.வி. பாஸ்கர் ,எஸ் .டி. சேகர், மாவட்ட இளைஞர் மற்றும் இளம்பெண்கள் பாசறை செயலாளர் கலியபெருமாள் உள்ளிட்ட முக்கிய கழக நிர்வாகிகள் கலந்து கொண்டனர்.