தென்காசி மாவட்டத்தில் 1 மணி நிலவரப்படி 39.85% வாக்குகள் பதிவு

தென்காசி மாவட்டத்தில், ஊரக உள்ளாட்சித் தேர்தலில் பகல்  1 மணி நிலவரப்படி 39.85% வாக்குகள் பதிவாகி உள்ளதாக, அதிகாரிகள் தெரிவித்தனர். 

தென்காசி மாவட்டம் ஆலங்குளம் ஒன்றிய பகுதிகளில்,  40.65%, கடையம் ஊராட்சி ஒன்றிய பகுதிகளில் 39.05%, கீழப்பாவூர் ஊராட்சி ஒன்றிய பகுதிகளில் 39.05% , மேலநீலிதநல்லூர் ஊராட்சி ஒன்றிய பகுதிகளில் 42.80%, வாசுதேவநல்லூர் ஊராட்சி ஒன்றிய பகுதிகளில் 38.05% வாக்குகள் பதிவாகியுள்ளன.

திமுக தெற்கு மாவட்ட பொறுப்பாளர் சிவ பத்மநாதன், அதிமுக தெற்கு மாவட்டச் செயலாளரும் முன்னாள் சட்டமன்ற உறுப்பினருமான செல்வ மோகன்தாஸ் பாண்டியன் ஆகியோர், குணராமநல்லூர் ஊராட்சியில் வாக்களித்தனர்.