சோமாலியாவில் இரட்டை கார் குண்டுவெடிப்பு: 100 பேர் உயிரிழப்பு

சோமாலியாவின் தலைநகர் மொகடிஷுவில் கல்வி அமைச்சகத்துக்கு வெளியே சனிக்கிழமையன்று வெடித்த இரண்டு கார் குண்டுகளில் குறைந்தது 100 பேர் கொல்லப்பட்டனர் மற்றும் 300 பேர் காயமடைந்தனர் என்று நாட்டின் ஜனாதிபதி ஞாயிற்றுக்கிழமை அதிகாலை ஒரு அறிக்கையில் தெரிவித்தார்.

குண்டுவெடிப்பு நடந்த இடத்தை பார்வையிட்ட பின்னர் ஜனாதிபதி ஹசன் ஷேக் முகமது "படுகொலை செய்யப்பட்ட எங்கள் மக்கள் ... தங்கள் கைகளில் குழந்தைகளுடன் தாய்மார்கள், உடல்நிலை சரியில்லாத தந்தைகள், படிக்க அனுப்பப்பட்ட மாணவர்கள், தங்கள் குடும்பங்களின் வாழ்க்கையுடன் போராடும் தொழிலதிபர்கள் உள்ளனர்" என்று கூறினார்.

இந்த தாக்குதலுக்கு உடனடியாக யாரும் பொறுப்பேற்கவில்லை, இருப்பினும் ஜனாதிபதி இஸ்லாமிய குழு அல் ஷபாப் மீது குற்றம் சாட்டினார். ஆனால், அதிக எண்ணிக்கையிலான உயிரிழப்புகளை விளைவிக்கும் தாக்குதல்களுக்கு அல் ஷபாப் பொறுப்பேற்கவில்லை. 

மொகடிஷுவில் பரபரப்பான சந்திப்புக்கு அருகில் உள்ள கல்வி அமைச்சகத்தின் மீது முதல் குண்டுவெடிப்பு ஏற்பட்டது. இரண்டாவதாக குண்டு வெடிப்பு ஆம்புலன்ஸ்கள் வந்து, பாதிக்கப்பட்டவர்களுக்கு உதவ மக்கள் கூடியபோது வெடித்தது.

குண்டுவெடிப்பு காரணமாக அருகே உள்ள கட்டடங்களின் ஜன்னல்களை உடைத்தது. கட்டிடத்திற்கு வெளியே உள்ள தார்ச்சாலையை ரத்தம் மூடியிருந்தது.

2017ஆம் ஆண்டு இதே மாதத்தில், 500க்கும் மேற்பட்டோர் கொல்லப்பட்ட சோமாலியாவின் மிகப்பெரிய குண்டுவெடிப்பு நடந்த அதே இடத்தில் தாக்குதல் நடந்தது. அந்த குண்டுவெடிப்பில், அரசாங்க அலுவலகங்கள் உணவகங்கள் மற்றும் கியோஸ்க்குகள் வரிசையாக இருக்கும் K5 சந்திப்பில் உள்ள பரபரப்பான ஹோட்டலுக்கு வெளியே ஒரு டிரக் குண்டு வெடித்தது.

பாதிக்கப்பட்டவர்களின் எண்ணிக்கை அதிகரிக்கலாம் என்று அதிபர் முகமது கூறினார். காயமடைந்தவர்களில் சிலரின் நிலை கவலைக்கிடமாக உள்ளதால், அவர்களுக்கு உடனடியாக மருத்துவ உதவி வழங்குமாறு அரசுக்கு அவர் அறிவுறுத்தியிருந்தார்.