அட்லீ வெளியிட்ட 'நித்தம் ஒரு வானம்' டீசர்..!

நடிகர் அசோக்செல்வன் நாயகனாக நடிக்க, அறிமுக இயக்குநர் கார்த்திக் இயக்கியுள்ள திரைப்படம், 'நித்தம் ஒரு வானம்'. படத்தின் தலைப்பே இது ஒரு இனிய காதல் படம் என்று கட்டியம் கூறுகிறது.

இப்படத்தின் டீசரை இயக்குநர் அட்லீ தனது ட்விட்டர் பக்கத்தில் இன்று(23/09/2022) வெளியிட்டார். தலைப்பு ஏற்படுத்திய எதிர்பார்ப்பின்படி, டீசரைப் பார்த்ததும், சந்தேகமேயின்றி இது முழுக்க முழுக்க ஒரு காதல் படம்தான் என்பதை தெளிவுபடுத்திவிட்டது.

ஏற்கெனவே தமிழில் வெளியான '96' படத்தைப் போன்றே இப்படமும் காதல் ததும்பும் படமாக இருக்கும் என்று இப்போதே சமூக வலைத்தளங்களில் ரசிகர்கள் ரவுசு காட்டுகிறார்கள்.

வியாகோம் 18 ஸ்டூடியோ நிறுவனம் தயாரித்துள்ள இப்படத்திற்கு, கோபி சுந்தர் இசையமைத்துள்ளார். முக்கோணக் காதல் கதையாகப் பின்னப்பட்டிருக்கும் திரைக்கதை கொண்ட இப்படத்தில் வீரா, பிரபா, அர்ஜுன் என வெவ்வேறு கதாபாத்திரங்களில் அசத்தியுள்ளாராம் அசோக்செல்வன். எனவே, மூன்று நாயகியர் என்பதை சொல்லத்தேவையில்லை. ஆம். ரிது வர்மா சுபா கதாபாத்திரத்திலும் அபர்ணா பாலமுரளி மதி கதாபாத்திரத்திலும் சிவாத்மிகா ராஜசேகரன் மீனாட்சி கதாபாத்திரத்திலும் நடித்துள்ளனராம்.