கோ-ஆப்டெக்ஸில் கேரன்டி கார்டுடன் விற்பனை: அமைச்சர் காந்தி அறிவிப்பு

தமிழகத்தில் கைத்தறிமற்றும் துணிநூல் துறை சார்பில் தீபாவளி பண்டிகையை முன்னிட்டு  கைத்தறி ரகங்களுக்கும் 30 சதவீதம் சிறப்பு தள்ளுபடியுடன் விற்பனையை அறிவித்துள்ளது.

அதன் அடிப்படையில்,ராணிப் பேட்டையில் உள்ள ஆட்சியர் அலுவலகத்தில் கோ-ஆப்டெக்ஸ் விற்பனையை துவக்கும் நிகழ்ச்சி நடந்தது. அதில் மாநில கைத்தறி மற்றும் துணிநூல் துறை அமைச்சர் காந்தி குத்து விளக்கேற்றி விற்பனையை துவக்கி வைத்தார்.

பின்னர், செய்தியாளர்களை சந்தித்த அவர், தமிழகத்தில் அனைத்து  மாவட்டத்திலும்  கோ-ஆப்டெக்ஸ் விற்பனை தொடங்கியுள்ளது. கடந்த 2 மாதத்தில் ₹1 கோடிக்கு  விற்பனை செய்யப்பட்டுள்ளதாகவும் மேலும் விற்பனையை உயர்த்தி ஒரு நாளைக்கு₹ 10 கோடிக்கு இலக்கு செய்யப்பட்டுள்ளதாக  தெரிவித்தார்.

மேலும்,கெமிக்கல் இல்லாமல் குழந்தைகளுக்கு புதிய வடிவிலான ஆடை  ரகங்கள் விற்பனைக்கு தயார் நிலையில் உள்ளதாகவும் தெரிவித்தார். கோ-ஆப்டெக்ஸில் விற்கப்படும் பட்டு புடவைகள்  போலித்தன்மை இல்லாமல்   கேரன்டி கார்டுடன்   விற்பனை செய்யப்பட்டுவருகிறது . அதில் எவ்வளவு பர்சன்டேஜ் தங்கம், சில்வர் எவ்வளவு என்று  கார்டுகளில் குறிப்பிட்டு இருக்கும். எனவே  பட்டுபுடவைகளை தனியார் விற்பனை மையங்களில் வாங்காமல் சுத்தமான அசல் கைத்தறி பட்டாடைகளை நம்பகத்தன்மையுடன் விற்பனை செய்யும் கோ-ஆப்டெக்ஸில் பொதுமக்கள்  வாங்க வேண்டும் என்று கூறினார்.

இந்த நிகழ்ச்சியின்போது ராணிப்பேட்டை மாவட்ட ஆட்சியர் பாஸ்கர் பாண்டியன் உட்பட துறை சார்ந்த அதிகாரிகள் உடனிருந்தனர்.