வசூல் மழை பொழியும் 'லவ் டுடே'

Love Today Day 5 Box Office Collection-இயக்குநர் பிரதீப் ரங்கநாதன் இயக்கத்தில், சமீபத்தில் வெளிவந்த திரைப்படம் 'லவ் டுடே'. இயக்குநராக மட்டுமல்லாமல், ஹீரோவாகவும் இந்த படத்தில், பிரதீப் ரங்கநாதன் அறிமுகமாகியுள்ளார். இப்படத்தில் கதாநாயகியாக இவானா நடித்திருந்தார். மேலும் ராதிகா சரத்குமார், சத்யராஜ், ரவீனா, யோகி பாபு உள்ளிட்டோர், முக்கிய கதாபாத்திரத்தில் நடித்திருந்தார்கள்.

இப்படம் வெளிவந்த முதல் நாளில் இருந்து, மக்கள் மத்தியில் சிறந்த வரவேற்பை பெற்று வருகிறது. படத்தின் திரைக்கதை துவக்கத்தில் இருந்து, இறுதி வரை, இந்த படம் கொஞ்சம் கூட சொதப்பல் இல்லாமல் அனைவரையும் ரசிக்க வைத்துள்ளது என்பது தான் அனைவரின் பொதுவான விமர்சனமாக இருக்கிறது.

இந்நிலையில், கடந்த ஐந்து நாட்களில், ரூ. 20 கோடி வரை வசூல் செய்து பாக்ஸ் ஆபிசில் மாபெரும் சாதனை படைத்து வருகிறது. கடந்த சில ஆண்டுகளாக, நல்ல படங்களை வெற்றி அடைய செய்வதில், ரசிகர்கள் அதிக ஆர்வம் காட்டுகின்றனர். சமீபத்தில் வெளியான கன்னட படமான 'காந்தாரா' 16 கோடி ரூபாய் செலவில் தயாரிக்கப்பட்ட படம். படத்தின் இயக்குநர் ரிஷப் ஷெட்டி, ஹீரோவாகவும் நடித்திருந்தார். கன்னடத்தில், மாபெரும் வெற்றி பெற்ற இந்த படம், தமிழ், தெலுங்கு, மலையாளம், இந்தி என பிறமொழிகளில் 'டப்' செய்யப்பட்டு, அந்த மொழிகளிலும் 'ஹிட்' ஆகி, 200 கோடி ரூபாய் வரை வசூலை எட்டியது.   

இந்நிலையில், 'லவ் டுடே' படமும், வசூலில் முன்னிலை பெற்றுள்ளது. 'லவ்டுடே' படம், தமிழில் நல்ல வரவேற்பை பெற்றுள்ள நிலையில், இந்த படத்தை தெலுங்கில் 'டப்' செய்து வெளியிட திட்டமிட்டுள்ளதாக தகவல் கசிந்து வருகிறது. தமிழில் மிகப் பெரிய வெற்றி பெற்ற 'லவ் டுடே' படத்தை தெலுங்கிலும் 'டப்' செய்து வெளியிட திட்டமிடப்பட்டுள்ளது. இந்த படத்தின் தெலுங்கு ரிலீஸ் உரிமையை, 'ஸ்ரீ வெங்கடேஸ்வரா கிரியேஷன்ஸ்' நிறுவனம் பெற்றுள்ளது. இந்த நிறுவனம்தான், விஜய் நடித்துவரும் 'வாரிசு' படத்தை தயாரித்து வருகிறது என்பது, குறிப்பிடத்தக்கது.

தற்போது, 'டப்பிங்' பணி நடைபெற்று வருவதாகவும், விரைவில் இந்த படத்தின் ரிலீஸ் தேதி அறிவிக்கப்படும் என்றும் கூறப்பட்டுள்ளது.

ராஜமவுலி இயக்கிய 'ஆர்ஆர்ஆர்', லோகேஷ் கனகராஜ் இயக்கிய 'விக்ரம்', மணிரத்னம் இயக்கிய ' பொன்னியின் செல்வன்' ரிஷப் ஷெட்டி இயக்கிய 'காந்தாரா' படங்களின் வரிசையில், 'லவ் டுடே' படமும், ரசிகர்களின் பேராதரவு பெற்ற படமாக, வசூலில் சாதனை படைத்து வருகிறது. ஆனால், 25 ஆண்டுகளுக்கு முன், பாலசேகரன் இயக்கத்தில், 'லவ்டுடே' என்ற படம், இளையதளபதி விஜய் நடிப்பில் வெளியானது. காதலை மையப்படுத்திய இந்த படமும், பெரிய வெற்றி படமாக விஜய்க்கு அமைந்தது என்பது குறிப்பிடத்தக்கது.

அடுத்த முக்கியமான செய்திகளை தெரிந்துகொள்ள: Click Here-1, Click Here-2