திருவள்ளூரில் ஒரே நாளில் 887 பேருக்கு கொரோனா, 18 பேர் பலி
திருவள்ளூர் மாவட்டத்தில் ஒரே நாளில் 887 பேருக்கு கொரோனா தொற்று உறுதி என மாவட்ட நிர்வாகம் தகவல் தெரிவித்ததுள்ளது.
பைல் படம்
திருவள்ளூர் மாவட்டத்தில் கடந்த சில தினங்களாகவே கொரோனா தொற்று உறுதி செய்யப்பட்டவர்களின் எண்ணிக்கையை விட குணமடைந்து வருபவர்களின் எண்ணிக்கை அதிகரித்து வருகின்றது. இதன் வெளிப்பாடாக இன்றும் கொரோனா தொற்று உறுதி செய்யப்பட்டவர்களை விட குணமடைந்தவரின் எண்ணிக்கை அதிகரித்துள்ளது.
இன்று ஒரே நாளில் 887 பேருக்கு புதிதாக கொரோனா தொற்று உறுதி செய்யப்பட்டுள்ள நிலையில் 1705 பேர் கொரோனாவிலிருந்து முழுமையாக குணமடைந்து வீடு திரும்பியுள்ளனர். மாவட்டத்தில் இன்று 18 பேர் கொரோனாவின் காரணமாக உயிரிழந்துள்ளனர். மாவட்டத்தில் இன்று வீடுகளின் தனிமைப்படுத்துதல் மற்றும் மருத்துவமனை மூலமாக சிகிச்சை பெற்று வருபவர்களின் எண்ணிக்கை 8691 ஆக உள்ளது.
மேலும் மாவட்டத்தில் இதுவரை கொரோனா தொற்று உறுதி செய்யப்பட்டவர்களின் எண்ணிக்கை 1,00,475ஆகவும், இதில் 90,421 பேர் முழுமையாக குணமடைந்து வீடு திரும்பியுள்ளனர். மாவட்டத்தில் இதுவரை கொரோனாவிற்காக உயிரிழந்தவர்களின் எண்ணிக்கை 1363 ஆக உள்ளது என மாவட்ட நிர்வாகம் தகவல் அளித்துள்ளது.