புல்லரம்பாக்கம்: 12 வயது சிறுமியிடம் சில்மிஷத்தில் ஈடுபட்ட ஆசிரியர் போக்சோவில் கைது!

திருவள்ளூர் அடுத்த புல்லரம்பாக்கம் அம்பேத்கர் நகரை சேர்ந்தவர் சுந்தரராஜன். இவர் தேர்வாய் கண்டிகையில் உள்ள அரசு ஆதிதிராவிடர் துவக்கப் பள்ளியில் ஆசிரியராக பணியாற்றி வருகிறார். மேலும் இவருக்கு குடிப்பழக்கமும் உள்ளது. இந்த நிலையில் வீட்டின் அருகேயுள்ள 6ம் வகுப்பு மாணவி படித்து வரும் 12 வயது சிறுமியிடம் சில்மிஷத்தில் ஈடுபட்டுள்ளார்.

இதுகுறித்து அந்த சிறுமி தனது பெற்றோரிடம் கூறியுள்ளார். அதனைத் தொடர்ந்து அந்த சிறுமியின் பெற்றோர் சுந்தரராஜனிடம் விசாரித்துள்ளனர். அப்போது சுந்தரராஜன் அவர்களை தரக்குறைவாக பேசியுள்ளார். இதுகுறித்து 12 வயது சிறுமியின் பெற்றோர் புல்லரம்பாக்கம் காவல் நிலையத்தில் கொடுத்த புகாரின் அடிப்படையில் காவல் ஆய்வாளர் ரஜினிகாந்த் மற்றும் சப்-இன்ஸ்பெக்டர் சிவா ஆகியோர் சுந்தரராஜனை கைது செய்து போக்சோ சட்டத்தின் கீழ் நீதிமன்றத்தில் ஆஜர்படுத்தி சிறையில் அடைத்தனர்.