Tamil Foreplay முன்விளையாட்டு என்பது பற்றி கேள்விப்பட்டிருக்கிறீர்களா?....

Tamil Foreplay

செக்ஸ் என்பது ஒரு சிலருடைய வாழ்க்கையில் ஊறுகாய் போன்று இருக்கும். ஒரு சிலருடைய வாழ்க்கையில் அதுவே சாப்பாடாகிவிடுகிறது. இது நபருக்கு நபர் மாறுபடும். இது ஒரு அந்தரங்கம் என்பதால் யாரும் கூச்சப்பட்டுக்கொண்டு வெளியில் சொல்வதில்லை. பெரும்பாலான விளையாட்டுகள் பூட்டிய கதவினுள் நடப்பதால் ஆண், பெண் இருபாலருக்கு மட்டுமே தெரிந்த உறவு இது. இதில் யார் என்னென்ன செய்கிறார்கள் என்பது அவர்களுக்கு மட்டுமே தெரிந்த விஷயம். விலங்குகள் போல் நட்ட நடுரோட்டில் எந்த மனிதர்களும்இதனை செய்வது கிடையாது. காசு கொடுத்து சுகம் தேடுவோர் கூட ஒரு இடத்தினை பிக்ஸ் செய்து அங்குதான் அரங்கேற்றுவார்களே தவிர மனித நடமாட்டம்  உள்ள பகுதிகளில் நடப்பது என்பது அரிதான ஒன்று.

Tamil Foreplay

உண்மையாக நடக்கும் செக்ஸில் எதிராளிக்கு காம வேட்கையினைத்துாண்ட வேண்டும் என்றால் ஒரு சில முன்விளையாட்டுகளைக் கையாள வேண்டியதாக இருக்கிறது. அது ஆண் பெண்ணுக்கு துாண்டுவதாகவும் அமையலாம். அல்லது பெண் ஆணுக்கு துாண்டுவதாகவும் அமையலாம். இது அவரவர்களின் புரிதலைப்பொறுத்தது. காய்ந்த மாடு புகுந்தது போல் திடுதிடுவென்று நிறைவேற்றுவது பூர்த்தியான கிளைமாக்சை தராது. எனவே புரிதலோடு ரசித்து செய்யக்கூடிய நிகழ்வு தான் இது. இதற்கு பல வித்தைகள் உள்ளன. ஒரு சிலருக்கு தெரியும். இன்றளவில் பலர் தெரியாவிட்டாலும் சோஷியல் மீடியாக்களில் பார்த்து தெரிந்துகொள்கின்றனர். இலைமறை காயாக இருந்த விஷயம் இன்று சோஷியல் மீடியா வந்தபின்னர் வெட்டவெளிச்சமாகிவிட்டது. யாரைச்சொல்லியும் குற்றமில்லை.

Tamil Foreplay

முன்னின்பம் அல்லது புறத்தொழில்என்பது மனித குல பாலுறவு செய்கைகளில் தன்னுடன் பாலுறவு கொள்ளும் எதிர்பாலினரை உறவிற்கு தயார் செய்யும் வகையில் மனரீதியாகவோ உடல் ரீதியாகவோ தனது உள்ளார்ந்த ஆவலை வெளிப்படுத்தும் செயல்களை புரிவது ஆகும். இதில் ஒரு ஆணோ அல்லது ஒரு பெண்ணோ தனது உள்ள வெளிப்பாட்டை துவக்கலாம்.

உறவைத் துவக்கும் முன் இருவரிடையே புரிதலோடு ஒன்றிணைவதுதான். ஒருசில முன் விளையாட்டுகளை செய்த பின்னர் உறவுக்கு தயாராவது மென்மேலும் கிளர்ச்சியைத் துாண்டும். அந்த உறவு நல் உறவாக அமைய இதனை அனைவரும் கடைப்பிடிக்க வேண்டியது கட்டாயமாகிறது. தற்போதுள்ள பரபரப்பான கால கட்டத்தில் நம்முடைய சிதறிப்போன நினைவுகளை அங்கு ஒன்று சேர்த்து நம் எதிர்பாலினத்தவரின் எதிர்பார்ப்புகளை பூர்த்தி செய்யவும் இது அவசியமாகிறது.

செக்ஸ் என்பது ஒரு கலை. அதனைக் கையாளும் வகையில் பல வேறுபாடுகள் உள்ளன. நபருக்கு நபர் வேறுபடும். எப்படி நாம் உணவுகளை அவரவர்களின் ரசனைக்கு ஏற்ப சாப்பிடுகிறோமோ அதுபோல்தான்இது. அவரவர்களுக்கு பிடித்த சேட்டைகளைச் செய்த பின்தான் பின் உறவானது துவங்கும்.

உறவுக்கு தயாராகும் இருவரிடையே தனது ஆவலை வெளிபடுத்தவும் தனது எதிர்பாலினரிடம் நம்பகமான நபராக தன்னை கட்டிக்கொள்ளவும், இவற்றை தொன்று தொட்டே மனிதகுலம் செய்து வருகிறது. இந்த சரசம் என்பது மனிதரில் மட்டுமன்றி பல்வேறு விலங்குகளிடமும் கூட காணப்படுகிறது. இந்த முன்னின்ப செய்கைகள் அவரவர் தனிப்பட்ட விருப்பங்களை பொறுத்தமையால் அது நபருக்கு நபர் வேறுபடும். வடமொழி காம இலக்கியத்தைத்தழுவி அதிவீரராம பாண்டியனால் தமிழில் இயற்றப்பெற்ற கொக்கோகம் எனும் நூலில் புறத்தொழில் பலவற்றை விவரித்துள்ளார். ஒரு எடுத்துக்காட்டு பின்வரும்பாடல்:

Tamil Foreplay

நலம்பெறு நாபி தன்னை

நாவினால் விரலால் சுற்றல்

பலம்பெறும் அல்குல் தன்னில்

கரிகர லீலை பண்ணிப்

பொலம்பெறு மணிசு வைத்தல்

கைம்முழந் தாள்பு றந்தாள்

கலம்புனை பரடு காலின்

விரல்கையாற் பிசைந்து கோடல்

முன்னின்பம் தொடங்குதல்

காம இச்சையைத் தூண்டக்கூடிய முத்தமிடல், தொடுதல், தழுவல், எதிர்பாலினரை மெதுவாக கடித்தலும் கூட முன்னின்பம் என்றே பொருள் கொள்ளப்படும். இது தவிர பிளிர்ட் எனப்படும் காதல் சரச அசைவுகள், மற்றும் பேச்சுகள், மெல்ல காதருகில் பேசுதல் அல்லது முனங்குதல், மற்றும் கேலி செய்தல் போன்ற எண்ண அலைகள் கூட பாலுறவை முன்னடத்தி செல்ல காரணமாகின்றதனால் இவற்றையும் முன்னின்பம் என்றே கொள்ளலாம்.

Tamil Foreplay

தொடுதல், முத்தமிடல் போன்ற உடல் ஸ்பரிசங்கள் இல்லாமல் தனது காம ஆசையை சமிக்ஞைகளின் மூலம் வெளிப்படுத்துடலும் கூட முன்னின்பம் ஆகும். நிர்வாணமும் கூட காம ஆசையை மனதில் விதைப்பதனால் தன்னுடன் காமத்தில் இணையும் இணையின் ஆடைகளை கலைவதுமோ அல்லது அரைகுறை ஆடைகளை அணிவதுமோ கூட முன்னின்பம் ஆகும். இது அவரவர்களின் ரசனையைப் பொறுத்தது. உடலின் காம உணர்வு மிகுந்த பாகங்களை கைகளாலோ உதடு, நாக்கு, பல் போன்ற உறுப்புகளால் தொடுவது கூட முன்னின்பமெனப்படும். உதடு, மார்பு, வயிறு, பிட்டம், முதுகு, முன்புற அல்லது உள்தொடை போன்ற இடங்களில் முத்தமிடலும் நாவினால் நக்குதலும் முன்னின்ப வரையறையில் வருகிறது. பிரஞ்சு முத்தம் என்றறியப்படும் உதட்டிலும் வாயிலும் நாவிலும் முத்தமிடுவது மட்டுமே பொதுவான முன்னின்பமாக இருந்துவருகிறது.

புகழ்வது, விடுகதை அல்லது புதிர் போடுவது அல்லது இரட்டை அர்த்த வாசகங்களை பேசுவது அல்லது நெருங்கிய பேச்சுகள் போன்றவை வாய்வழி முன்னின்பமாகவும் மற்றும் தேர்ந்தெடுக்கப்பெற்ற மிடுக்கு தோரணை காட்டுதல், அலங்கார சமிக்ஞை, கண்சிமிட்டுதல், உதட்டை நக்குதல் மற்றும் கடித்தல், மற்றும் கண்ணால் சைகை செய்தல் போன்றவை உடல்வழி முன்னின்பமாகவும் பொருள்படும்.

Tamil Foreplay

இதுபோன்ற முன்னின்பங்களில் பல்வேறு காரணிகள் பெரும்பங்கு வகிக்கின்றன. துர்நாற்றமுடைய சுவாசமும், உடல் நாற்றமும், அதிகப்படியான சப்தமும், அல்லது எதிர்பாலினரின் முந்தைய துணையை நினைவுபடுத்தும் வகையில் நடப்பதும் கூட இவற்றில் அடங்கும். மேலும் ஒவ்வொருவரது தனிப்பட்ட ஆர்வமும் இதில் பெரும் பங்குவகிக்கும்.

முன்னின்ப விளையாட்டுகள்

வீட்டினுள்ளோ அல்லது வெளியிடத்திலோ தனது இணையின் ஆடைகளை அணிந்து கொண்டு தனது இணையை போல பாவனை செய்யும் காமம் குறித்த பாத்திரம் ஏற்று நடத்தல் அல்லது காமம் சம்பந்தப்பட்ட விளையாட்டுகள் காம இச்சையை உருவாக்குகின்றன. ஒரு இணையில் ஒருவர் காரிய நிமித்தம் வேலையில் இருந்தபோதும் மற்றொருவர் இந்த முன்னின்ப விளையாட்டை முதலில் துவக்கலாம். இது தனது எண்ணக்கிடக்கையை தனது இணையிடம் வெளிப்படுத்தும் செய்கை ஆகும், அலைபேசிகளில் பரிமாறிக்கொள்ளபடும் காம குறுந்தகவல்களும் கூட இவ்வகையை சேர்ந்தவையாகும். இணைய அரட்டையிலும் கருத்துப் பரிமாற்றத்திலும் கூட இவ்வகை சரசம் மேற்கொள்ளப்படுகிறது.

சீட்டு விளையாட்டு அல்லது சதுரங்கம் போன்ற பலகை விளையாட்டுகளும் கூட முன்னின்பத்திற்கு வழிவகுக்கும். மென்மையான சுற்று சூழலும் இனிமையான இசையும் மெழுகுவர்த்தியும் சில பானங்களும் புலனுகர்வு உணவும் கூட அவ்வாறான தருணத்தை வரவழைக்கவல்லது. இதுபோன்ற விளையாட்டுகளில் பெரும்பாலும் வென்றவர் வேண்டுவன எவற்றையும் தோற்றவர் செய்ய வேண்டும் என்பதே போட்டிகளின் பந்தயமாயிருக்கும்.

Tamil Foreplay

மேலும் சில இணைகள் காம உணர்வை தூண்டக்கூடிய திரைப்படங்களை பார்ப்பதைக்கூட பழக்கமாக கொண்டுள்ளனர். மேலும் சிலர் பாலுறவில் தடுத்தல் மற்றும் வலி ஏற்படுத்தக்கூடிய விளையாட்டுகள், மற்றும் பிடிஎஸ்எம் எனப்படும் கொடுமைப்படுத்தப்படும் ஒருவகை காம விளையாட்டும் கூட முன்னின்பம் என்கின்றனர்

தாந்திரீக முன்னின்பம்

தாந்திரீக முன்னின்பம் என்பது சல்லாபத்தில் முதல் நிலையாகும். சமஸ்கிருதத்தின் தந்திர விளக்கவுரையின்படிக்கு அமைந்த சரச விளையாட்டே தாந்திரீக முன்னின்பம் என அழைக்கப்படுகிறது. இந்த விளக்கத்தின் படிக்கு உறவில் இருக்கும் இருவரது உடலும் மனதும் ஒருங்கிணைந்து பிரபஞ்சத்தில் கலந்த உணர்வை உருவாக்குதல் ஆகும். இந்த விளக்கத்தின் படி முன்னின்பம் என்பது உடலுறவுக்கு முந்தையதாக கண்டிப்பாக செய்யப்படும் செயலாகும். இந்த விளக்கத்தின் படி தெய்வீக உணர்வுடன் பிணைந்து ஒருவரது கால்கள் மற்றொருவரது கால்களுடன் குறுக்காக பின்னி ஒருவரை ஒருவர் பார்த்தாலும் தொடுதலும் இருக்கும் பொழுது, முன்னின்பத்தில் ஈடுபடுதல் ஆகும். தாந்திரீக முன்னின்பம் என்பதில் தசைகளை பிசைந்து கொடுத்தாலும் ஒரு வகை ஆகும்.

நன்றி: விக்கிப் பீடியா.