வள்ளலார் பிறந்தநாள் விழா: சிறப்பு வழிபாடு

பொன்னேரி அருட்பிரகாச வள்ளலார் சத்திய சபையில் வள்ளலார் பிறந்தநாள் விழா.சன்மார்க்க அன்பர்கள் திரளாக பங்கேற்று வழிபாடு நடத்தினர்.

திருவள்ளூர் மாவட்டம், பொன்னேரி தொகுதி பழைய பேருந்து நிலையம் அருகில் அருட்பிரகாச வள்ளலார் சமரச சுத்த சன்மார்க்க சத்திய சபை அமைந்துள்ளது. இங்கு வள்ளலார் பிறந்தநாள் விழா வெகுசிறப்பாக கொண்டாடப்பட்டது.விழாவின் முன்னிட்டு முதல் நிகழ்வாக ஜோதி வடிவில் காட்சியளித்த அருட்பிரகாச வள்ளலாருக்கு அகவல் ஓதப்பட்டது.

இதையடுத்து அன்பர்கள் ஒன்றுகூடி அருட்பெருஞ்ஜோதி அருட்பெருஞ்ஜோதி தனிப்பெரும் கருணை அருட்பெருஞ்ஜோதி என பாடல்கள் பாடியபடி சன்மார்க்க கொடியை ஏற்றி வைத்தனர். இதனை தொடர்ந்து பக்தர்களுக்கும் பொதுமக்களுக்கும் சன்மார்க்க கஞ்சி வார்க்கப்பட்டது.பின்னர் சன்மார்க்க அன்பர்கள் ஒன்றுகூடி வள்ளலாரின் ஆன்மீக பண்புகளை பக்தி பாடல்கள் மூலம் விளக்கி கூறினர்.

இதைத் தொடர்ந்து அங்கு வந்திருந்த ஆயிரத்திற்கும் மேற்பட்ட ஏழை எளிய மக்களுக்கு அன்னதானம் வழங்கப்பட்டது. இவ்விழாவில் சன்மார்க்க அறிஞர்கள் மற்றும் அன்பர்கள் திரளாக கலந்து கொண்டு வள்ளலாரின் அருளை பெற்று சென்றனர். விழா ஏற்பாடுகளை சத்திய சபையின் நிர்வாகிகள் மற்றும் சன்மார்க்க அன்பர்கள் சிறப்பாக செய்திருந்தனர்.