அமைச்சர் நாசர் முன்னிலையில் திமுகவில் இணைந்த ஆவடி மாநகராட்சி அதிமுக உறுப்பினர்

ஆவடியில் மீண்டும் ஒரு மாமன்ற உறுப்பினர் மாமன்ற உறுப்பினர் அதிமுகவிலிருந்து விலகி அமைச்சர் நாசர் முன்னிலையில் திமுகவில் இணைந்தார்.

இந்நிலையில், ஆவடி  அதிமுகவில் மாணவரணி செயலாளராக உள்ள ஆதிகேசவன், மனைவி மீனாட்சி  16வது வார்டு அதிமுக சார்பில் போட்டியிட்டு 1342 வாக்குகள் பெற்று வெற்றி பெற்றார், அதிமுக வார்டு உறுப்பினர் மீனாட்சி ஆதிகேசவன் நாளை  பதவி ஏற்க உள்ள நிலையில்,  இன்று ஆவடி சட்டமன்ற உறுப்பினர் மற்றும் பால்வளத்துறை அமைச்சர் சாமு நாசர் முன்னிலையில் சால்வை அணிவித்து பூங்கொத்து கொடுத்து 50க்கும் மேற்பட்ட அதிமுக தொண்டர்களுடன் திமுகவில் இணைந்தனர்.  தற்பொழுது ஆவடி மாநகராட்சி அதிமுக சார்பில்  வெற்றி பெற்ற 4 உறுப்பினர்களில் 2 உறுப்பினர்கள் திமுகவில்  இணைந்துள்ளது,  ஆவடி நகர அதிமுக வட்டாரத்தில் பெரும் பரபரப்பை ஏற்படுத்தியுள்ளது.