ஆம்பூர் கூட்டுறவு சர்க்கரை ஆலை தொழிலாளர்கள் உள்ளிருப்பு போராட்டம்

திருப்பத்தூர் மாவட்டம் ஆம்பூர் அடுத்த வடபுதுப்பட்டி பகுதியில் ஆம்பூர் கூட்டுறவு சர்க்கரை ஆலை இயங்கி வருகிறது. கடந்த இரண்டு ஆண்டுகளாக ஆலை இயங்கவில்லை. மேலும், தொழிலாளர்களுக்கு  8 மாத சம்பளம் நிலுவையில் உள்ளது.

இந்நிலையில்,  இந்த ஆண்டு அரவை துவங்க கோரியும், நிலுவையில் உள்ள 8 மாத சம்பளம் வழங்ககோரியும், 50ஆயிரம் மெட்ரிக் டன் கரும்பு உள்ள நிலையில் ஆலையை துவக்க தமிழக முதல்வர் நடவடிக்கை எடுக்க வேண்டும் என்று வலியுறுத்தியும்,  தொழிலாளர்கள் 6வது நாளாக உள்ளிருப்பு போராட்டத்தில் ஈடுபட்டு வருகின்றனர்.