வெங்கல் அருகே 11 இரு சக்கர வாகனங்கள் மீட்பு- 2 கொள்ளையர்கள் கைது

திருவள்ளூர் மாவட்டம் பெரியபாளையம் அடுத்த வெங்கல் சுற்றுவட்டார இடங்களில் பல இருசக்கர வாகனங்கள் திருட்டு போனதால்,  தனிப்படை போலீசார் தீவிர வாகன சோதனையில் ஈடுபட்டனர்.

அப்போது சந்தேகத்திற்கு இடமான வகையில் இருந்த இருவரை மடக்கி விசாரணை நடத்தியதில் பல இடங்களில் இருசக்கர வாகனங்களை திருடியதை ஒப்புக்கொண்டனர்.

இதனையடுத்து அவர்களிடம் இருந்த 11இருசக்கர வாகனங்களை போலீசார் மீட்டனர். தொடர்ந்து நவீன், விக்னேஷ் ஆகிய இருவரை கைது செய்து, வெங்கல் போலீசார் தீவிர விசாரணை நடத்தி வருகின்றனர்.