பூந்தமல்லி: அதிக வாக்கு வித்யாசத்தில் வென்ற திமுக வேட்பாளர் கிருஷ்ணசாமி

நடைபெற்று முடிந்த தேர்தல் முடிவுகளில் திருவள்ளூர் மாவட்டத்தில் அதிக வாக்கு வித்யாசத்தில் பூந்தமல்லி வேட்பாளர் கிருஷ்ணசாமி வெற்றி பெற்றார்.

திருவள்ளூர் மாவட்டம் பூந்தமல்லி சட்டமன்ற தொகுதியில் இரண்டாவது முறையாக திமுக அதிக வாக்கு வித்யாசத்தில் வெற்றி பெற்றது. கடந்த 2019ல் திமுக வெற்றி பெற்றது.. தற்போது நடைபெற்ற சட்டமன்ற தேர்தலில் திமுக சார்பில் ஆ.கிருஷ்ணசாமி, அதிமுக கூட்டணி சார்பில் பாமக ராஜமன்னார் போட்டியிட்டனர். இந்த நிலையில் சட்ட மன்ற தேர்தல் எண்ணிக்கைகள் இன்று நடைபெற்றது.  இதில் திமுக சார்பில் போட்டியிட்ட கிருஷ்ணசாமி 149578 வாக்குகளும் அதிமுக கூட்டணி சார்பில் போட்டியிட்ட பாமக வேட்பாளர் ராஜமன்னார் 55648 வாக்குகளும் பெற்றனர். இதில் திமுக சுமார் 93930 வாக்குகள் வித்யாசத்தில் வெற்றி பெற்றார். அவருக்கு வெற்றி சான்றிதழை தேர்தல் அலுவலர் வழங்கினார். மேலும் வெற்றியை அக்கட்சி நிர்வாகிகள் மாலை அணிவித்து கொண்டாடினர்.