பெரியபாளையம் அருகே ரூ.1 லட்சம் மதிப்பு குட்கா பொருட்கள் கடத்தல்: இருவர் கைது

Crime News In Tamil- திருவள்ளூர் மாவட்டம், பெரியபாளையம் அருகே ஆரணியில் காவல்துறையினர் வாகன சோதனையில் ஈடுபட்டிருந்தனர். அப்போது புதுவாயல் பகுதியில் இருந்து ஆரணி நோக்கி வந்த சிறிய சரக்கு வாகனத்தை மடக்கி சோதனையிட்டனர். அதில் தமிழக அரசால் தடை செய்யப்பட்ட குட்கா பொருட்கள் இருந்தது தெரிய வந்தது.

இதனையடுத்து சரக்கு வாகனத்துடன் குட்கா பொருட்களை பறிமுதல் செய்த காவல்துறையினர் ஓட்டுநர் அளித்த தகவலின் பேரில் அங்குள்ள மளிகை கடையில் சோதனையிட்டு அங்கிருந்த குட்கா பொருட்களையும் பறிமுதல் செய்தனர். சுமார் 1 லட்ச ரூபாய் மதிப்பிலான 82கிலோ குட்கா பொருட்களை பறிமுதல் செய்த போலீசார் சரக்கு வாகன ஓட்டுநரான சென்னை கொடுங்கையூரை சேர்ந்த சல்மான் மற்றும் மளிகை கடை உரிமையாளரான இளவரசன் ஆகிய இருவரை கைது செய்தனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2