கும்மிடிப்பூண்டியில் இருசக்கர வாகனங்களை திருடிய இரண்டு பேர் கைது

கும்மிடிப்பூண்டியில் தொடர் இருசக்கர வாகனங்கள் திருடிய இரண்டு வாலிபர்களை போலீசார் கைது செய்தனர்.

திருவள்ளூர் மாவட்டம், கும்மிடிப்பூண்டி பஜார் பகுதிகளில் கும்மிடிப்பூண்டி போலீசார் தொடர் வாகன சோதனையில் ஈடுபட்டு வந்தனர்.

அப்போது பெத்திக்குப்பம், மேட்டு காலனி, எளாவூர், புதுகும்மிடிப்பூண்டி, புதுவாயில், அயநெல்லூர், உள்ளிட்ட பகுதிகளை சேர்ந்த கிராமப்புற மக்கள் தங்கள் தேவைகளுக்காக இரு சக்கர வாகனம் மற்றும் கார்களில் சென்றவர்களை தடுத்து நிறுத்தி சோதனை நடத்தினர். அப்போது இரு சக்கர வாகனத்தில் தலைக்கவசம் அணியாமல் செல்வது, இன்சூரன்ஸ் இல்லாமல் வாகனம் ஓட்டுவது, மது போதையில் வாகனம் ஓட்டுபவர்களை போலீசார் மடக்கி சோதனை மேற்கொண்டு வந்தனர்.

இந்நிலையில் கும்மிடிப்பூண்டி பஜாரில் இரண்டு வாலிபர்கள் இரு சக்கர வாகனத்தில் அவ்வழியாக வேகமாக வந்தனர். அவர்களை போலீசார் மடக்கிய போதும் அவர் நிற்காமல் சென்றதால் போலீசார் நீண்ட தூரம் துரத்திச் சென்று அவர்களை பிடித்தனர்.தொடர்ந்து இரண்டு வாலிபர்களையும் பிடித்து  காவல் நிலையம் அழைத்து வந்து விசாரணை நடத்தியதினர். இதில் அவர்கள் இருவரும் பில்லா குப்பம் பகுதியைச் சேர்ந்த அஜய்( வயது 24), மற்றும்  ஆந்திர மாநிலம் நெல்லூர் பகுதியைச் சேர்ந்த சுரேஷ்( வயது 25).என்பதும் தெரியவந்தது .

இவர்கள் இருவரும் பல இடங்களில் இருசக்கர வாகனங்கள் திருட்டில் ஈடுபட்டதாக வாக்குமூலம் அளித்தனர். இதனை தொடர்ந்து அவர்கள்  இருவர் மீது வழக்கு பதிவு செய்த போலீசார் அவர்களை கைது செய்தனர். பின்னர் அவர்கள் இருவரும் பொன்னேரி நீதிமன்றத்தில் ஆஜர் படுத்தப்பட்டு புழல் மத்திய  சிறையில் அடைக்கப்பட்டனர்.