கும்மிடிப்பூண்டி அருகே விடுதலை சிறுத்தைகள் கட்சி சார்பில் முப்பெரும் விழா

புது வாயலில் திருவள்ளூர் கிழக்கு மாவட்ட விடுதலை சிறுத்தைகள் கட்சியின் சார்பில் முப்பெரும் விழா நடைபெற்றது. மாவட்ட செயலாளர் நீலமேகம் பங்கேற்று கொடியை ஏற்றி பொதுமக்களுக்கு இனிப்புகள் வழங்கினார்.

திருவள்ளூர் மாவட்டம்,கும்மிடிப்பூண்டி ஒன்றியம்,புதுவாயல் கிராமத்தில் விடுதலை சிறுத்தைகள் கட்சியின்  சார்பில் கொடியேற்று விழா,தந்தை பெரியாரின் பிறந்த நாள் விழா,பல்வேறு கட்சிகளில் இருந்து விலகி இக்கட்சியில் இணையும் விழா என முப்பெரும் விழா நிகழ்ச்சிகள் நடைபெற்றது.

இந்நிகழ்ச்சிக்கு, கும்மிடிப்பூண்டி வடக்கு ஒன்றிய செயலாளர் புலியூர் ஆனந்தன் தலைமை தாங்கினார்.கும்மிடிப்பூண்டி தொகுதி செயலாளர் வக்கீல் ஜீவா முன்னிலை வகித்தார். விடுதலை சிறுத்தைகள் கட்சியின் கொடியை ஏற்றி வைத்து,தந்தை பெரியாரின் பிறந்த நாளை நினைவு கூர்ந்து,பல்வேறு கட்சிகளில் இருந்து விலகி இக்கட்சியில் இணைந்தவர்களுக்கு சால்வை அணிவித்து திருவள்ளூர் கிழக்கு மாவட்ட செயலாளர் முல்லை சி.நீலமேகம் சிறப்புரை ஆற்றினார்.இதன் பின்னர், பொதுமக்களுக்கு இனிப்பு வழங்கினார்.

நிகழ்ச்சிக்கான ஏற்பாடுகளை முகாம் ஒருங்கிணைப்பாளர்  உதயகுமார் சிறப்பாக செய்திருந்தார். இந்நிகழ்ச்சியில்,நாடாளுமன்ற பொறுப்பாளர் வக்கீல் நெடுஞ்செழியன், கும்மிடிப்பூண்டி பொறுப்பாளர்கள் சுகுமார்,விமல்,கும்மிடிப்பூண்டி தொகுதி துணைச்செயலாளர் ராள்ளை பாபு,சமூக சேவகர் கிங்பால்,சோழவரம் தெற்கு ஒன்றிய செயலாளர் வக்கீல் காந்தி, மாவட்ட ஊடக பிரிவு பொறுப்பாளர் கோபி, சோழவரம் தெற்கு ஒன்றிய பொருளாளர் மதன், மகளிர் அணி பொறுப்பாளர்கள் மோத்தி, லலிதா,புதுவாயல் முகம் கிளைத்தலைவர் கிருஷ்ணன், செயலாளர் பாக்யராஜ், பொருளாளர் வரதன் உள்ளிட்ட மாவட்ட,ஒன்றிய,நகர,பேரூர், கிளை கழக நிர்வாகிகள் உள்ளிட்ட ஏராளமானோர் கலந்து கொண்டனர்.