எஸ்.பி., அலுவலகத்தில் காதல் ஜோடியினர் தஞ்சம்: போலீசார் பாதுகாப்பு

தருமபுரி மாவட்டம், கம்பைநல்லூர் அருகேயுள்ள கொங்கரப்பட்டி பழத்தோட்டத்தை சேர்ந்த சரவணன் மகள் சுவேதா, 19. இவர் குமாரபாளையத்தில் உள்ள தனியார் கல்லுாரியில் பி.எஸ்.சி., முதலாமாண்டு படித்து வருகிறார்.

இந்தநிலையில் கடந்த 29ம் தேதி அதிகாலை 4:00 மணிக்கு வீட்டில் இருந்த சுவேதாவை காணவில்லை. உறவினர் மற்றும் நண்பர்கள் வீடுகளில் தேடியும் கிடைக்கவில்லை என்றும், தனது மகளை கொண்ரம்பட்டியை சேர்ந்த விஜி, 20, என்பவர் அழைத்து சென்றதாக கம்பைநல்லுார் காவல் நிலையத்தில் சரவணன் புகார் அளித்தார். 

இதனையடுத்து வழக்குப் பதிந்து விசாரணை மேற்கொண்ட நிலையில், நேற்று தர்மபுரி மாவட்ட காவல் கண்காணிப்பாளரிடம் காதல் ஜோடியினர் தஞ்சம் புகுந்தனர். அவர்களை கம்பைநல்லூர் காவல் நிலையத்திற்கு அனுப்பி வைக்கப்பட்டனர்.

இந்நிலையில் பிரச்சினைகள் எதுவும் ஏற்படாத வகையில், அரூர் குற்றவியல் நடுவர் நீதிமன்றத்தில் ஆஜர்படுத்தப்பட்டு முழுமையான விசாரணை மேற்கொண்டு பிறகு சரவணனின் மகள் தனது கணவருடன் செல்வதாக உறுதிமொழி அளித்தார். பின்னர் காவல்துறையினர் அவர்களை பாதுகாப்புடன் வாகனத்தில் ஏற்றி சென்றனர்.

காதல் ஜோடியினர் நீதிமன்றத்தில் ஆஜர்படுத்தியதால் சுமார் 30-க்கும் மேற்பட்ட போலீசார் பாதுகாப்பு பணியில் ஈடுபட்டனர். இதனால் நீதிமன்ற வளாகத்தில் பரபரப்பு ஏற்பட்டது.