கொச்சி காவல் ஆணையராக உயர்ந்த தமிழ் தோட்டத் தொழிலாளியின் மகன்..

Sethuraman IPS-கொச்சி போலீஸ் கமிஷனராக இருந்த நாகராஜு, திருவனந்தபுரம் நகர போலீஸ் கமிஷனராக மாற்றப்பட்டதை அடுத்து, சேதுராமன் கொச்சி போலீஸ் கமிஷனரானார். பதவியேற்ற பிறகு, கொச்சியில் உள்ள போதைப்பொருள் மாஃபியாவை கடுமையாக கையாளப்போவதாக கூறிய கமிஷனர். எந்த ஒரு குழந்தையும் போதைக்கு அடிமையாகக் கூடாது என்பதே காவல்துறையின் நிலைப்பாடு என்றார்.

அதற்காக கடுமையான நடவடிக்கைகள் எடுக்கப்படும். சிறந்த சட்ட அமலாக்கத்தைக் கொண்ட நகரம் கொச்சி. அதை நல்ல வழியில் கொண்டு செல்வோம் என கமிஷனர் சேதுராமன் தெரிவித்தார்.

மூணாறு டாடா டீ எஸ்டேட் சோலமலை பிரிவில் கருப்பையா மற்றும் சுப்பம்மாள் தம்பதியருக்கு 1973 ஆம் ஆண்டு சேதுராமன் பிறந்தார். மூணாறின் தேயிலைத் தோட்டத்தில் உள்ள லயத்தில் இருந்து மாவட்டக் காவல்துறைத் தலைவர் இருக்கை வரையிலான பயணம் ஒவ்வொரு எஸ்டேட் தொழிலாளிகளின் குழந்தைகளுக்கும் நல்ல பாடம்.

சேதுராமனின் கல்வி பயணம் அவருடைய ஐந்தாவது வயதில் சோலமலை கோட்டத்தில் உள்ள ஓராசிரியர் பள்ளியில் தொடங்கியது. இரண்டாம் வகுப்புக் கல்வி பெரியவாரைப் பள்ளியில். நான்காம் வகுப்புக்கு பின், மூணாறு லிட்டில் பிளவர் பெண்கள் பள்ளி ஓராண்டு.ஐந்தாம் வகுப்புக்குப் பிறகு சிறுவர்கள் அங்கு படிக்க முடியாது. பின்னர் சைனிக் பள்ளி நுழைவுத் தேர்வு எழுதி தேர்ச்சி பெற்றார்.

பின்னர் உடுமலைப்பேட்டையில் உள்ள அமராவதி நகர் சைனிக் பள்ளியில் ஆறாம் வகுப்பில் சேர்ந்தார். "சைனிக் பள்ளியில் சேர்ந்த பிறகு உலகம் என்னவென்று தெரியும். வாழ்க்கைக்கு நோக்கம் உண்டு. சைனிக் பள்ளியின் ஆசிரியர்கள் உண்மையில் இலக்கை நோக்கியவர்களாகவும், குழந்தைகளை வடிவமைத்தவர்களாகவும் இருந்தனர்.

அப்போது அங்கு தலைமை ஆசிரியையாக இருந்த செல்வி ஹூடா, அரசுப் பணியில் சேர முடியும் என்ற நம்பிக்கையை ஏற்படுத்தினார். அது எனக்கு லட்சியமாக இருந்தது, ஆனால் என் மனதில் ஒரு விதை முளைத்தது. அது எரியாமல் பார்த்துக் கொள்வது என் முழுப் பொறுப்பு. பல தடைகள் இருந்தபோதிலும் அதைச் சரியாகச் செய்ய முயற்சித்தேன்," என்று சேதுராமன் ஒரு பேட்டியில் வெளிப்படுத்தினார்.

ஆறு முறை ஐபிஎஸ் தேர்வுக்கு முயன்றும் தோல்வியடைந்தார். பின்னர் சேதுராமன் 2003 ஆம் ஆண்டில் இலக்கை அடைந்தார். தேசிய அளவில் முன்னூற்றி இருப்பத்தி இரண்டாவது இடத்தையும், சிவில் சர்வீசஸ் தேர்வில் அட்டவணைப் பிரிவில் இருபத்தி மூன்றாவது இடத்தையும் பெற்று காவல் துறை அதிகாரியாக பணியேற்றார்..

அன்றிலிருந்து இன்று வரை சிறு கெட்ட பெயர் கூட வாங்காது, இன்று கொச்சி மாநகர கமிஷனராக உயர்ந்திருக்கிறார். அவரது இந்த உயர்வுக்கு பின்னால் கண்டிப்பாக அவருடைய பெற்றோர்கள் இருக்கிறார்கள் என்பது மறுக்க முடியாத உண்மை.

மூணாறில் இருந்து உடுமலைப்பேட்டை செல்லும் வழியில் இடதுபுறத்தில் சற்று உள்ளடங்கி இருக்கும் சோலமலை எஸ்டேட், போக்குவரத்து வசதிகள் எதுவுமற்ற ஒரு பகுதி. சொற்ப கூலிக்கு தன்னுடைய தாயும் தகப்பனும் வேலை செய்கிறார்கள் என்பதையெல்லாம் மறந்து, தான் இந்த எஸ்டேட் பகுதியில் வாழும் குழந்தைகளுக்கு வழி காண்பிக்க வேண்டும் என்பதற்காக தன் வாழ்நாளையே புடம் போட்டுக் கொண்ட சேதுராமனுக்கு பெரியாறு வைகை பாசன விவசாயிகள் சங்கத்தினர் பாராட்டுக்களை தெரிவித்துள்ளனர்.

அடுத்த முக்கியமான செய்திகளை தெரிந்துகொள்ள: Click Here-1, Click Here-2