விருதுநகர் சீனிவாசபெருமாள் ஆலய திருவிழா: கொடியேற்றத்துடன் தொடக்கம்

விருதுநகர் சீனிவாசப்பெருமாள் கோவில் பிரமோற்சவ திருவிழா கொடியேற்றத்துடன் துவங்கியது.

விருதுநகர் ஸ்ரீராமர் கோவில் வளாகத்தில் உள்ள  சீனிவாசப்பெருமாள் சந்நிதியில் , புரட்டாசி மாத பிரமோற்சவ திருவிழா கொடியேற்றத்துடன் துவங்கியது. முன்னதாக, சீனிவாசப்பெருமாளுக்கு சிறப்பு அபிஷேகங்கள் நடைபெற்றது.

பின்னர், சந்நிதியில் உள்ள கொடி மரத்திற்கு சிறப்பு பூஜைகள் நடைபெற்றது. சிறப்பு அலங்காரத்தில்  சீனிவாசப்பெருமாள் - ஸ்ரீதேவி - பூதேவி சுவாமிகள் எழுந்தருளி பக்தர்களுக்கு காட்சி கொடுத்தனர். பின்னர் பிரமோற்சவ திருவிழாவிற்கான கொடியேற்ற நிகழ்ச்சி நடைபெற்றது.  திருவிழாவை முன்னிட்டு, தினமும்  சீனிவாசப்பெருமாள், ஸ்ரீதேவி, பூதேவி சுவாமிகள் பல்வேறு வாகனங்களில் எழுந்தருளி வீதியுலா நிகழ்ச்சிகள் நடைபெறும். திருவிழாவின் முக்கிய நிகழ்ச்சியான திருக்கல்யாணம், வரும் அக்டோபர் 5ம் தேதி (புதன்கிழமை) நடைபெறுகிறது. திருவிழா ஏற்பாடுகளை கோவில் நிர்வாகிகள்செய்து வருகின்றனர்.