தடை உத்தரவு காலத்திலும் டிக்டாக் வீடியோ: சாலைகளில் அச்சுறுத்தும் இளைஞர்கள்

கொரோனா பரவல் இரண்டாவது அலை தமிழகம் முழுவதும் வேகமாக பரவி வருகிறது. இதனை கட்டுப்படுத்த மாநில அரசு அனைத்து துறைகளையும் முழுமையாக ஈடுபடுத்தி தீவிர முன்னெச்சரிக்கை நடவடிக்கைகளை எடுத்து வருகிறது. கொரோனாவின் பரவலால்  ஒரு புறம் மக்கள் அச்சம் அடைந்து வரும் வேளையில், அதன் தாக்கத்தை உணராத சில இளைஞர்கள் ஊரடங்கையும் மகிழ்ச்சியாக கொண்டாடி வருகின்றனர்.

தஞ்சாவூர் மாவட்டம் மேலஉளூரை சேர்ந்த முகேஷ்குமார், சந்தோஷ்குமார், முருகானந்தம், கபிலன் ஆகிய இளைஞர்கள் தஞ்சாவூர் - ஒரத்தநாடு சாலையில் இருசக்கர வாகனத்தில் பட்டாக்கத்தி உடன் நின்று கொண்டு டிக்டாக் வீடியோ செய்து சமூக வலைதளத்தில் பதிவேற்றம் செய்துள்ளனர். இந்த வீடியோ தற்போது சமூக வலைத்தளத்தில் வேகமாக பரவி வருகிறது. அரசு எதற்கு தடை உத்தரவு விதித்துள்ளது என்று கூட உணராமல் சாலைகளில் செல்லும் மக்களை அச்சுறுத்தும் விதமாக பட்டாகத்தியுடன் வீடியோ வெளியிட்ட இளைஞர்கள் மீது உரிய நடவடிக்கை எடுக்க வேண்டும் என கோரிக்கை எழுந்துள்ளது.