வெள்ளித்திருப்பூர் அருகே இருசக்கர வாகனத்தில் சாராயம் கடத்தியவர் கைது‌

ஈரோடு மாவட்டம், அந்தியூர் அடுத்த வெள்ளித்திருப்பூர் காவல் நிலையத்திற்கு உட்பட்ட குரும்பபாளையம் குருநாதசாமி கோவில் பகுதியில் போலீசார் வாகன சோதனையில் ஈடுபட்டனர். அப்போது, அங்கு வந்த இருசக்கர வாகனத்தை நிறுத்தி போலீசார் சோதனை செய்தனர். அதில் 8 பாக்கெட்டுகளில் 4 லிட்டர் பாக்கெட் சாராயம் இருப்பது தெரியவந்தது.

இதுதொடர்பாக இருசக்கர வாகனத்தில் சாராயத்தை கடத்தி வந்த குரும்பபாளையம் காலனியை சேர்ந்த விஸ்வநாதன் (வயது 40) என்பவரை போலீசார் கைது செய்தனர். விசாரணையில் சேலம் மாவட்டம் கொளத்தூர் கண்ணாமூச்சி  பகுதியில் இருந்து சாராயம் வாங்கி வந்தது தெரியவந்தது. இதுகுறித்து போலீசார் விசாரணை நடத்தி வருகின்றனர்.