ஈரோட்டில் சிசிடிவி பொருத்துதல், பழுது பார்த்தல் இலவசப் பயிற்சி: ஜூன்.13ல் துவக்கம்

ஈரோட்டில் கனரா வங்கி கிராமப்புற சுயவேலைவாய்ப்பு பயிற்சி நிலையம் சார்பில் சிசிடிவி கேமரா பொருத்துதல் மற்றும் பழுது பார்த்தல் தொடர்பான இலவசப் பயிற்சி வரும் 13ம் தேதி துவங்குகிறது.

இதுதொடர்பாக ஈரோடு கனரா வங்கி கிராமப்புற சுயவேலைவாய்ப்பு பயிற்சி நிலையம் சார்பில் வெளியிட்டுள்ள அறிவிப்பில் கூறி இருப்பதாவது:-

ஈரோடு கனரா வங்கி கிராமப்புற சுயவேலைவாய்ப்பு பயிற்சி நிலையத்தின் சார்பாக சிசிடிவி பொருத்துதல் மற்றும் பழுது பார்த்தல் தொடர்பான இலவசப் பயிற்சி வரும் ஜூன் 13ம் தேதி முதல் 28ம் தேதி வரை 13 நாட்கள் காலை 9.30 மணி முதல் மாலை 5.30 மணி வரை நடைபெற உள்ளது. இந்த பயிற்சியில் கலந்து கொள்ளும் அனைவருக்கும் பயிற்சி, சீருடை, உணவு உட்பட அனைத்தும் இலவசம்.

இப்பயிற்சியின் முடிவில் சான்றிதழ் அரசு வழங்கப்படும். இந்த பயிற்சிக்கு ஈரோடு மாவட்டத்தைச் சேர்ந்தவர்கள் மட்டும் பயிற்சியில் கலந்து கொள்ள அனுமதிக்கப்படுவார்கள். மேலும், 18 வயதிற்கு மேல் 45 வயதிற்கு உட்பட்டவர்கள் மட்டும் பயிற்சியில் கலந்து கொள்ள அனுமதிக்கப்படுவார்கள்.

மேலும், வறுமை கோட்டிற்கு கீழ் உள்ளவர்கள் அல்லது நூறு நாள் வேலைத் திட்டத்தில் இருப்பவர்கள் மற்றும் அவர்களின் குடும்ப உறுப்பினர்களும் இப்பயிற்சியில் கலந்து கொள்ளலாம். இப்பயிற்சியில் கலந்து கொள்பவர்கள் 8778323213 , 7200650604, 0424-2400338 என்ற எண்ணில் தொடர்பு கொள்ளலாம். தற்போது, இதற்கான முன்பதிவு நடைபெறுகிறது.

இப்பயிற்சியானது, கனரா வங்கி கிராமப்புற சுயவேலைவாய்ப்பு பயிற்சி நிலையம், ஆஸ்ரம் மெட்ரிக் மேல்நிலைப்பள்ளி வளாகம் 2ம் தளம், கனரா வங்கி கிராமப்புற சுய வேலைவாய்ப்பு பயிற்சி நிலையம், கொல்லம்பாளையம் பைபாஸ் ரோடு , ஈரோடு - 638002 என்ற இடத்தில் நடைபெற உள்ளது.

இவ்வாறு அதில் கூறப்பட்டுள்ளது.